Escucando estrelles

Hai xente a la que tienen que prohibir dir a los campos de futbol forever.

Ta fácil saber quien son: siempre los mesmos.

Mira tu que nun hai temes p’aldericar estos díes, pero mola más falar de la vida sexual de dos oses:

http://www.pacaytola.com/

Lo del gas, lo de la incineradora, lo de Caliao, lo de Naval Xixón, lo del créditu, lo de Clas, lo de Cajastur… pero ye meyor tratar esti tema.

Pan y circu, Paca y Tola, ye too lo mesmo.

Anda dalgún sacando pechu porque los políticos d’un Ayuntamientu midiéronla a ver quien tien la cuenta corriente más grande, y pide la xente que los vecinos tamién la enseñen.

Quitando la curiosidá morboso de la xente, ye dalgo que nun val pa nada porque nun recueye NIN PARTICIPACIONES NIN ACCIONES EN SOCIEDAES nin los patrimonios de los cónyuges (equí la muyer del César, digo del fíu de Chus Pesetes, pue dar un pasu al frente).

Con un poco de tiempu y cuatro perres (dir al rexistru mercantil y al rexistru de la propiedá) díbamos poder desmonta-yos el chiringu, pero nun paga la pena.

Nengún partíu lo fai, porque tan bonos pa falar, los otros.

Y asina, ente lluches llocalistes y mentires, vamos tirando.

Pa qué voi contar más:

http://www.elpais.com/articulo/economia/impuestos/gasoleo/subiran/93/2012/elpepueco/20080526elpepieco_2/Tes

Nun añu enteru de programación, nesi enxendru que nomaron LABORAL CIUDÁ DE LA CULTURA, y que pagamos ente toos, nun actuó nenguna compañía de teatru asturiana, nin de los del castellán nin de los del "metadialectu". Nenguna en 365 díes.

De xuro qu’en nengún país del mundu se da un despreciu talu polo propio. Pa que depués se quexen que namás van cien persones.

Ya lo dicía mio güelu: lo peor que-y pues dar a un tontu son perres. 

Pa allegravos el día, déxovos un poema, fechu “spoken Word” del bonu, pa rise de tanto hip-hoperu de rexonal preferente:

Lo mesmo, con música de Klub y un montaxe d’imáxenes.

Pues eso:

http://www.lne.es/secciones/noticia.jsp?pRef=2008052200_52_638922__Opinion-Talibanismo-lingistico

Mola ¿eh?

¿Ya vos conté dalguna vez que m'encanten eses viñetes d'humor que cuando les llees la sonrisa se te conxela na cara?

Un exemplu mui bonu de Ricardo y Nacho:

Déxovos una guapa entrada a un blog prestosu. Ye de los d'Antonio Rico de LNE, ensin dulda de lo meyor que tien esi periódicu agora que Javier Cuervo ta gachu.

http://antoniorico.blogspot.com/2008/05/sector-energtico.html

Ye un blog pa perdese. Sálú.

Ye perfácil: movemos les cabines de peaxe a Lleón, y yá ta.

Pa que depués digan que nun cumplimos.

En fin...

La prensa del réxime nesti requexu del mundu nun nos da noticies como esta:

http://www.elperiodicodearagon.com/noticias/noticia.asp?pkid=409588

O seya, una familia que quisieron engaramitar no más alto, al nun tar avezada a llevar tacones, tien dalgún tropiezu.

Y como son de los qu’ocupen sitiu nos periódicos, disfrázase de venta.

Pa más datos:

http://www.burbuja.info/inmobiliaria/showthread.php?p=829304

http://www.skyscrapercity.com/showthread.php?p=20155038

O seya, si yes ricu y tienes problemes, siempre habrá una CajAstur o una CAI p’ayudate. Si yes probe xódete.

Mall, mui Mall.

Va ser verdá aquello que dicía ún de que, trenta años depués, la cara que te mira dende l’espeyu ye la de to pa, o seya, too aquello contra lo que te engarrabes cuando yeres mozu.

Diba amárgame poniendo dalgo sobre CLAS, pero como ye viernes vamos dir de cerveces. Voi colgavos dellos vídeos sobre una marca de cerveza uruguaya. La cerveza llámase Patricia, y nun sé que tal ta, pero los videos son una gozada (n’América llatina tan faciendo la meyor publicidá del mundu, quiciabes)

El primeru ye xenial, ya intenta esplicar l’amistá masculina.

Esti amuesa lo simples que somos los tíos:

Nesti cuenten la convivencia dende’l puntu de vista d’un home.

Y pa nun ser monotemáticu, ún d’otra marca, sobre cómo abrir una cerveza:

Salú.

Probinos, hai que subir un 11,3 % lo que paga la lluz al usuariu d’a pie porque producir electricidá nun ye rentable:

http://www.expansion.com/edicion/exp/empresas/es/desarrollo/1114476.html

Eso si, que’l paisanín nun pida subir el sueldu, que nun ta la cosa pa bromes.

Fai un mes, LNE descolgábase con un estudiu (que tenía una antigüedá de cuasi un añu) pa privatizar, envolver en papel de colorinos y poder regalar una de les poques empreses de verdá que queden n’Asturies. Tamos falando de la Central Lechera Asturiana, y del plan fechu a midía por dos “independientes” como son Álvaro Cuervo y Pedro de Silva.

Los anicios de la empresa, allá pel añu 1967, fueron la organización d’unos cuatro mil ganaderos en réxime de cooperativa, pa nun tar presos de les grandes compañíes, que podíen marcar el preciu que-yos daba la gana y arruinar a los pequeños productores. La Central Lechera, que llegó a tener más de 12.000 socios, nun tien anguaño namás que 7.470 socios, de los que namás 1.280 siguen produciendo, tres la brutal reconversión del campu asturianu (zarraron más de ventemil ganaderíes) pola entrada na UE (un alcuerdu perbeneficiosu pa los productores de lleche franceses, por exemplu).

Agora que vien la lliberalización de les cuotes llecheres, tan preparando’l camín pa enfrentase a la más que previsible importación masiva d’escedentes llecheros d’otros países, pero la manera escoyida ye l’espoliu de los socios minoritarios, creando una sociedá onde yá nun van pintar nada (un par d’ampliaciones de capital y tan fuera).

http://www.elpais.com/articulo/empresas/Vaqueros/grena/elpepueconeg/20080413elpnegemp_6/Tes?print=1

Asina, contao nun periódicu de tirada nacional, entiéndese muncho meyor. Ye’l mayor grupu industria llecheru español en recoyida de lleche, anque nun lo seya nin en facturación nin en beneficios.

Güei, escondía nun periódicu d’información económico, apaecía la siguiente noticia:

http://www.eleconomista.es/en-el-diario/noticias/518766/05/08/El-petroleo-sobrepasa-los-120-dolares-Solbes-se-enfrenta-a-Montilla-y-Camps-y-Asturiana-se-acerca-a-Pascual-para-crear-un-gigante-lacteo-.html

O seya, Pedro Astals, actual conseyeru delegáu de Central Lechera Asturiana, quier crear el mega-super-gran grupu llecheru d’esti país. Voi contavos el plan (o la fueya de ruta, pa ser modernos):

1-      L'espoliu (tresformación de la cooperativa nuna S.A)

2-      Xuntanza de la S.A. colos otros dos grandes grupos llecheros: Leche Pascual y Puleva (con Leche Pascual yá lo intentaron fai años)

¿Depués que diba quedar? ¿Alcordáisvos de lo que pasó fai ocho añinos con Asturiana de Zinc? Pues lo mesmo.

PD: el domingu salió un anunciu na páxina 55 de LNE, na parte d’abaxo, bien pequeñu. Dicía asina: Sat. Ganadera San Antón de Peralta (Navarra) compra para sus socios productores de leche títulos a socios durmientes de CENTRAL LECHERA ASTURIANA.