Escucando estrelles

Na Xunta de Lleón acaben de destapar un casu pequeñu de corrupción. Polo menos tres cargos de confianza (cesaos) y seis funcionarios del centenar qu’hai nel Serviciu d’Industria tan siendo investigaos por meter la cuchara nel guisu enerxéticu.

Y ye que tantu políticu con ganes d'enmierdar el paisaxe, en contra de miles de persones, tenía que tener dalgo detrás como esto. Hasta 25.000 alegaciones punxeron los vecinos a les llinies d’evacuación d’alta tensión na montaña llionesa, ensin que valiere pa nada.

http://www.soitu.es/soitu/2008/08/14/info/1218728338_812982.html

¿Y a ésti llau?

Fai falta lluz y taquígrafos, a esti y al otru llau del cordal con esti asuntu del guisu enerxéticu.

Y yá que nos ponemos, hai que facelo con munches otres coses. Vamos facer alcordanza de lo que dicíamos fai más d’un añu:

http://ateyavana.nireblog.com/post/2007/07/29/los-chiringuitos-del-poder

Los políticos, unes vegaes al serviciu del partíu y otres por iniciativa propia, monten munchos negocios. Los menos dañinos son aquellos que s’aproveches de la norma qu’obliga a revisar tanques de gasoil (por exemplu) creando una empresa que lo faga, los que de verdá son dañinos son los que fuercen les coses y faen que’l sitiu onde viven se convierta nuna cuchera.

Y los que sofiten la omertá por interés o cobardía. Hai que dir por informes a Suecia o a onde seya falta, facer  que los Alvaro Cuervo qu’hai pel mundu tengan voz y s’esparda.

Tanta culpa tien el que mata como’l que sostién la pata.

Cada equipu de fútbol tien una espresión qu’usen los aficionaos cuando quieren da-y ánimos. Dalgunes son propies de cada tierra. A lo llargo de munchos años estes espresiones van calando de l’afición al públicu en xeneral y, asina, si digo: hala, aupa, musho, viva, forza, visca… caún de vosotros ta poniendo’l nome d’un equipu per detrás ensin problemes.

La espresión pal Sporting ye “puxa”, como tol mundu sabe. ¿Cuántes veces oyistis “puxa Sporting”.

Comentábame un aficionáu que, na celebración del ascensu, el Presidente Vicente, intentando esquivar la palabra na llingua prohibida, dicía “aupa”. ¿Cuántes veces oyistis “aupa Sporting”?

Esti collaciu dicía que nun podía ser que tuviere tantu odiu a les palabres na nuesa llingua. Que tenía que ser por culpa de la Pita, que fizo que tarreciere por demás tolo que tenga que ver cola llingua.

Les palabres importen.

Llee-ylo, que nun tien desperdiciu.

http://www.lne.es/secciones/noticia.jsp?pRef=2008070600_46_654038__Sociedad-y-Cultura-Facultad-puede-separar-asturiano-politica

Surrealista dafechu

Paecelo, polo menos.

http://www.cotizalia.com/cache/2008/07/04/9_queda_ayuntamiento_oviedo_adjudica_contrato_millones.html

Gracies, guaje, por ser grande tamién fuera del campu.

Tamién negándose a que lu usen y dando un tirón d'oreyes cuando fai falta.

http://www.lne.es/secciones/noticia.jsp?pRef=2008070400_47_653439__Deportes-Guaje-nego-reinaugurar-campo-Tuilla

http://www.lne.es/secciones/noticia.jsp?pRef=2008070400_47_653440__Deportes-Villa-nombre-Candin-cambia

Son paecíos a los mirandeses de Sangre Cavallum, que ya traximos per equí fai un añu. Dark-folk con raigaños prerromanos.

http://www.myspace.com/arnicaband

Gracies a Félix Fernández de Castro López-Patiño por quitase la careta. Vivan los mediocres. Ganaste cinco minutinos de gloria y amás dame tol ascu del mundu. Y fizome ver meyor la realidá.

Y sobre too gracies a Ana Cano por ser coherente y plantase cuando s'había que plantar. Tienes tol nuestru sofitu.

Que pena, la verdá, que les envidies y engarradielles personales fagan a xente que se diz filóloga echar de casa una llingua.

Va’l Presidente Vicente a Madrid a apretar a tou un ministru d’Industria: oiga, esto me lo acelera, yá, dando órdenes como si tuviere en casa, y tolos periódicos créenlo como si tuvieren de grifa hasta les pates, y falen maraviyes de la iniciativa.

Según dicen, van entainar los trámites alministrativos de la Regasificadora del Musel pa qu’entame nel 2011, nun vaya a ser que los promotores lo dexen pa prau como cola planta de biodiesel o los aeroxeneradores, y nos quede too empantanao. ¿Maxináislo? Chano Torre vistíu de novia nun puertu xigantescu, plantáu hasta polos invitaos.

Ye qu’últimamente nun puedo lleer la prensa, porque m’encabrono.

Y la xente a veles venir.       

http://www.internautas.org/

Los que manden nesti requexu del mundu paez que tienen la mesma capacidá que cualquier paisanu d’esos que ta nun chigre, espotricando ensin facer nada. Paezme que nun hai nengún llugar del mundu onde dalguién se plantee tirar miles de millones al mar pa poner una regasificadora, una planta de biodiesel, unos aeroxeneradores, unos astilleros… y que, depués de tenelo publicao, vaya quedando too en nada… Da imaxe de poca seriedá, de dir faciendo les coses a lo xo, según te vienen al maxín.

Y sálennos caros abondo como pa que fagan les coses a lo xo.

Agora da-yos a toos polo eólico, que ye onde más subvenciones puen pillar:

http://www.lne.es/secciones/noticia.jsp?pRef=2008062000_45_648722__Economia-electricas-planean-parques-eolicos-Asturias-tras-moratoria

Hai opiniones, pero ye un estrozu de paisaxe perimportante, y la riqueza que xenera ye otra vegada pa los cuatro de siempre.

http://www.lne.es/secciones/noticia.jsp?pRef=2008062000_52_648842__Opinion-eolicos-OscosEo

En fin, dicíame un paisanu l’otru día que tamos volviendo p’atrás. Qu’enantes criticaben a Franco pol pan y circu del fútbol y el toreo, y agora tamos igual col fútbol y el putu José Tomás a toes hores.

Camudamos poco. Dalgunos nada.