Escucando estrelles

Güei ye'l mio cumpleaños.

Gracies, Sporting, por facelu de primera.

El conceyal de Facienda del Ayuntamientu de Xixón acaba anunciar que van duplicar los valores catastrales… pero pa facelo más llevadero van dir subiendo namás un 10 % al añu en diez años, y ta la cuenta echada.

Del 18 % del valor de mercáu al 40 %. Ehí ye nada. Según argumentó, con verbu probe y xestu tímidu, ye un procesu “xustu y necesariu” (sic) pa que la tributación seya “más axustao” a los valores reales. Lo que nun nos contó ye que va nada subieron el porcentaxe a aplicar sobre’l valor catastral, poniéndolu ente los más altos del país, colo que la suba va ser doble.

Nun ta de más alcordase de que’l valor catastral úsase pa que les tres Alministraciones nos chupen impuestos: la Declaración de la Renta, l’Impuestu Transmisiones, l’Impuestu de Bienes Inmuebles y la plusvalía.

Hai cuatrocientos conceyos que lo suben, afirmó, asina que nun vamos ser los únicos, sinón pioneros, como si eso consolare… como agora a la xente sóbren-y les perres…

Yera dalgo esperable dende va tiempu, cuando subieron el tramu impositivu, asina que nun garra a cuasi naide por sorpresa. Hasta sacamos va tiempu un artículu onde lo anunciábamos.

Lo que tamién yera d’esperar ye que sacaren pechu diciendo qu’hai tres cooperatives que pillaron cachu nes parceles municipales

Nun ta de más recordar que tres importantes axentes sociales que sofitaron l’espoliu de la zona rural cuando’l polémicu PXOU: UXT, CCOO y Asociaciones de Vecinos de la Zona Urbana  fueron agraciaes con parceles pa les sos cooperatives. Nun ta de más alcordanos qu’al poco, dos sindicalistes honraos, fueron a la cárcel por toca-yos les narices.

¿Quién dixo Xudas? A ver, que llevante la mano.

http://www.lne.es/secciones/noticia.jsp?pRef=2008061000_35_644932__Gijon-Responsables-ugetistas-confian-poder-entregar-bloque-pisos-este-verano

Y tan felices, anque en tola zona este de Xixón nun haya nin una sola vivienda social nin protexía.

Nin siquiera tan previstes nes parceles del Ayuntamientu nin del Principáu.

Mierda de país, la verdá.

Ta claro: los políticos europeos ganen les perres tan fácil, ensin trabayar un res, qu'agora piensen que'l trabayu ye lo qu'ellos faen.

Como'l mio xefe llea la noticia, tamos toos xodíos.

Salú.

Pues, qué queréis que vos diga, munches gracies por facer que la xusticia tire p'alantre.

Y que'l que meta la pata apechugue coles consecuencies, que pa eso lo cobren.

Debaxo déxovos un  videu qu'amuesa lo que taben faciendo mientes diseñaben el plan.

Vamos tar equí, como ta mandao.

http://www.doilacara.net/

Paeznos una iniciativa guapa daveres.

Hai xente a la que tienen que prohibir dir a los campos de futbol forever.

Ta fácil saber quien son: siempre los mesmos.

Mira tu que nun hai temes p’aldericar estos díes, pero mola más falar de la vida sexual de dos oses:

http://www.pacaytola.com/

Lo del gas, lo de la incineradora, lo de Caliao, lo de Naval Xixón, lo del créditu, lo de Clas, lo de Cajastur… pero ye meyor tratar esti tema.

Pan y circu, Paca y Tola, ye too lo mesmo.

Anda dalgún sacando pechu porque los políticos d’un Ayuntamientu midiéronla a ver quien tien la cuenta corriente más grande, y pide la xente que los vecinos tamién la enseñen.

Quitando la curiosidá morboso de la xente, ye dalgo que nun val pa nada porque nun recueye NIN PARTICIPACIONES NIN ACCIONES EN SOCIEDAES nin los patrimonios de los cónyuges (equí la muyer del César, digo del fíu de Chus Pesetes, pue dar un pasu al frente).

Con un poco de tiempu y cuatro perres (dir al rexistru mercantil y al rexistru de la propiedá) díbamos poder desmonta-yos el chiringu, pero nun paga la pena.

Nengún partíu lo fai, porque tan bonos pa falar, los otros.

Y asina, ente lluches llocalistes y mentires, vamos tirando.

Pa qué voi contar más:

http://www.elpais.com/articulo/economia/impuestos/gasoleo/subiran/93/2012/elpepueco/20080526elpepieco_2/Tes

Nun añu enteru de programación, nesi enxendru que nomaron LABORAL CIUDÁ DE LA CULTURA, y que pagamos ente toos, nun actuó nenguna compañía de teatru asturiana, nin de los del castellán nin de los del "metadialectu". Nenguna en 365 díes.

De xuro qu’en nengún país del mundu se da un despreciu talu polo propio. Pa que depués se quexen que namás van cien persones.

Ya lo dicía mio güelu: lo peor que-y pues dar a un tontu son perres. 

Pa allegravos el día, déxovos un poema, fechu “spoken Word” del bonu, pa rise de tanto hip-hoperu de rexonal preferente:

Lo mesmo, con música de Klub y un montaxe d’imáxenes.