Guapa conferencia. Los de LNE van a sacala en tres partes.
Avezaos a sestear coles declaraciones de vieyes glories y pesebreros que vienen a fartase a La Granda y similares, esti tio al que toos alaben y defienden como seriu y cola tiesta bien puesta, punxo pates arriba'l branu económicu. Hasta los de LNE y dediquen l'editorial:
De xemes en cuando, nesti requexu del mundu apaecen xoyes musicales.
Un dúu con personalidá:
http://www.myspace.com/chiquitaychatarra
El so discu namás se pue pillar en vinilu, pero merez mui muncho la pena.
http://chiquitaychatarra.malditasandia.com/
Déxovos equí’l que pue ser el so hit-single, una canción que bien podría tar sonando a toes hores na radio. Ta grabao nun directu na sala Savoy.
Una frikada p'animar un poco. Ye un vídeu del Rambo turcu, que paez fechu por unos collacios un día de resaca.
Atentos al llanzamientu de los misiles. Inenarrable.
Na Xunta de Lleón acaben de destapar un casu pequeñu de corrupción. Polo menos tres cargos de confianza (cesaos) y seis funcionarios del centenar qu’hai nel Serviciu d’Industria tan siendo investigaos por meter la cuchara nel guisu enerxéticu.
Y ye que tantu políticu con ganes d'enmierdar el paisaxe, en contra de miles de persones, tenía que tener dalgo detrás como esto. Hasta 25.000 alegaciones punxeron los vecinos a les llinies d’evacuación d’alta tensión na montaña llionesa, ensin que valiere pa nada.
http://www.soitu.es/soitu/2008/08/14/info/1218728338_812982.html
¿Y a ésti llau?
Fai falta lluz y taquígrafos, a esti y al otru llau del cordal con esti asuntu del guisu enerxéticu.
Y yá que nos ponemos, hai que facelo con munches otres coses. Vamos facer alcordanza de lo que dicíamos fai más d’un añu:
http://ateyavana.nireblog.com/post/2007/07/29/los-chiringuitos-del-poder
Los políticos, unes vegaes al serviciu del partíu y otres por iniciativa propia, monten munchos negocios. Los menos dañinos son aquellos que s’aproveches de la norma qu’obliga a revisar tanques de gasoil (por exemplu) creando una empresa que lo faga, los que de verdá son dañinos son los que fuercen les coses y faen que’l sitiu onde viven se convierta nuna cuchera.
Y los que sofiten la omertá por interés o cobardía. Hai que dir por informes a Suecia o a onde seya falta, facer que los Alvaro Cuervo qu’hai pel mundu tengan voz y s’esparda.
Tanta culpa tien el que mata como’l que sostién la pata.
Cada equipu de fútbol tien una espresión qu’usen los aficionaos cuando quieren da-y ánimos. Dalgunes son propies de cada tierra. A lo llargo de munchos años estes espresiones van calando de l’afición al públicu en xeneral y, asina, si digo: hala, aupa, musho, viva, forza, visca… caún de vosotros ta poniendo’l nome d’un equipu per detrás ensin problemes.
La espresión pal Sporting ye “puxa”, como tol mundu sabe. ¿Cuántes veces oyistis “puxa Sporting”.
Comentábame un aficionáu que, na celebración del ascensu, el Presidente Vicente, intentando esquivar la palabra na llingua prohibida, dicía “aupa”. ¿Cuántes veces oyistis “aupa Sporting”?
Esti collaciu dicía que nun podía ser que tuviere tantu odiu a les palabres na nuesa llingua. Que tenía que ser por culpa de la Pita, que fizo que tarreciere por demás tolo que tenga que ver cola llingua.
Les palabres importen.
Una cosa de les coses que tengo dende va más tiempu ye una llibretina onde apunto cites que me presten. Nun ye una moleskine, ye una llibreta de cuadros de les de tola vida, pero pa min tien munchu más valir por eso mesmo. Sírveme pa ver cuantos llectores atentos tien Montaigne, por exemplu, que tamién yera otru llector atentu, y pa dame cuenta de les frases que me diben llamando l’atención en distintes estayes de la mio vida.
Echando-y una güeyada atopé esta cita del eslovacu Vladimir Minác:
Nós nun tenemos historia si la historia namás ta fecha de reis, emperadores, duques, príncipes, victories, conquistes, violencies, rapiñes.
Díxolo falando de los castiyos de la so patria, esos castiyos que los nobles dexaron per tolos llaos, los más d’ellos desfechos, mientres la vida de la xente común siguía ensin alpenes cambios a lo llargo de la historia.
Esi mesmu espíritu atopámoslu nel entamu del cuentu Llue, esi mundu paralelu, de Xe M. Sánchez, que toi lleendo agora:
L’universu de los ramos d’herba, les facines al atapecer en prau, aquella lleción memorable de mecer nuna cuerna una vaca, mansulina la probe como los cascariellos que’l mio güelu me diera col ciñu del sangre propio… nun saldrán enxamás nos llibros históricos oficiales de los que dominen el planeta, pero a min valme pa la mio hestoria que, pa qué engañase, a la fin ye la única que nos marca.
Esa historia tapecida ye la nuestra. Namás.
Un guapu documental sobre los asturcones de capa castaña, con un publirreportaxe nel mediu.
Na tierra de mio ma, en tierres más p’alló de les Asturies de Tineo, a estes “burres” llamábenles “del país”.
Como me dixo un paisanu fai bien poco, son de monte y agora nun valen pa nada. Nin pa carne nin pa montura, asina que bien ta esparder un poco qu’esisten.
Y esta ye la otra parte, con escenes fuertes. Que vos preste.
Y equí un enllaz interesante del Serida:
http://www.serida.org/resultados/000001852006.pdf
Y otru:
http://www.ixuxu.org/ixuxugaia/index.htm
Los coldiciosos impostores, los esfamiaos espiculadores, los axentes del totalitarismu de la Xeneral Inorancia qu’una y otra vuelta manquen y humillen a la Tierra, borrándo-y tolos sos nomes pa facer de les lloses y cortines, embelgues, estayes, seches, vegues, viescos, pumaraes, castañeos, paraxes, llanes y cuestes, coles sos fontes y paseres, los sos ciarros y portielles… un resumen nuna sola espresión de la llingua común a toa esta xentecaya: Suelo Urbanizable.
Pues éstos tienen d’enterase que les llingües nun muerren si los sos falantes nun quieren.
Y nos tenemos d’enteranos que’l peor enemigu de la llingua ta en dientro de nos, y llámase mieu. Si, MIEU: si nun somos quien pa enllenar de solicitúes de cambiu de los nuesos nomes a les versiones tradicionales los rexistros civiles, pa dir depués colos correspondientes certificaos a les comisaríes, a les oficines de Tráficu, a la Universidá, al Ayuntamientu, al Bancu pa quitanos d’enriba complexos impuestos y dar a estampa los nuevos documentos d’identidá con arguyu… si nun somos quien pa paralizar l’Alministración con escritos n’asturianu y contenciosos a mamplén por nun atendenos, si nun somos quien pa proyeutanos en carne y güesu más p‘alló de les manifestaciones coleutives de turnu, la llingua nun sedrá quien pa sobrevivinos.
Esti ye un cachín de la intervención de Xose Nel Riesgo nel actu de l’Academia en defensa de la llingua, representando al grupu Belenos.
Torno de vacaciones y espétome contra la realidá. Probe Asturies.
Llee-ylo, que nun tien desperdiciu.
Surrealista dafechu
Archivu | ¡Crea'l to Blog yá! Fácil y de baldre
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.