Escucando estrelles

Tornó Campelo, aquel mocín un poco chuleta que taba atecháu como delfín de Villa y que tuvieron qu’acaban mandando llonxe en cuantes se destapó lo de les comisiones del híper de Llangréu.
¿Alcordáisvos?
El presuntu ciudadanu Xose Laudelino Campelo, que daquella yera voceru del PSOE nel Ayuntamientu de Llangreu , conceyal y vocal de la Comisión Especial d’Instalación de Grandes Superficies (mola ser d’un conceyu pequeñu ¿eh?) esixía comisiones illegales, ente xunetu del añu 2000 y febreru del 2001, a les empreses interesaes, col fin de “asegurar el sofitu del Grupu Socialista y el del PP”. Vese que yera mal tratante, porque entamó pidiendo 200 kilos de los d’enantes y acabó pidiendo 120 namás, 90.151 euros en billetes nuna bolsa plásticu enantes del plenu, 270.455 en cuantes se concediere la llicencia de la obra por parte del Ayuntamientu, y 360.678 en cuantes el Principáu lo aprobare. El problema ye que lu grabaron y tol asuntu fízose públicu. Y anque nes grabaciones salen munchos nomes, namás y tocó a él, por tuntu, que dicen los ayeranos.
Pues equí lu tenemos otra vegada, seis años dempués (la xusticia actua mas ceo pa otros), va celebrase’l xuiciu.
¿Apostamos a que nun-y va pasar nada?