Escucando estrelles

Anque pasare desapercibíu ente tanta noticia grandona, el gobiernín asturianu recortó esti añu la franxa de terrenu protexío a los llaos del Camín de Santiago, que pasa de ser cien metros a cada llau a quedar namás en trenta metros, ensin facer los estudios ambientales obligatorios pa camudar un decretu d’esti tipu.

Nel añu 1994 la Conseyería de Cultura fixó una franxa de protección de cien metros a cada llau del camín en zones rurales, mientes que nes zones urbanes namás afeuta a les parceles apegaes al camín. La ruta ta declarada como conxuntu histórico-artísticu dende setiembre de 1962.

El recorte, qu’amás pue ser más grande si hai planes especiales en dalgún conceyu, supón lliberar una banda de 140 metros a lo llargo de los 545 kilómetros que tien el camín de Santiago n’Asturies.

¡Mas terrenu!, glayaron dalgunos. Constrúi, que dalgo queda, dicíen otros.