Escucando estrelles

El marketing ye una cosa prestosa porque fainos ver lo bobos que somos.

El mediu ambiente viende porque agora la xente ta mas concienciao, y porque los periódicos, cuando nun saben qué poner, saquen dalguna noticia del cambiu climáticu. Y eso aprovéchenlo cuatro espabilaos pa facer imaxe y vender más.

Asina, que seyan noticies chorraes como que Liberty Seguros acaba plantar árboles en Costa Rica pa compensar el so impactu ambiental, qu'Honda cambie la so publicidá de F-1 por imáxenes de la tierra, que los camiones d’Eroski usen biocombustibles o qu’Endesa apague les lluces pela nueche na so sede de Barcelona, nun nos demuestren namás que lo fatos que somos toos.

Asina que nesti país, que tien el peor aire de toa Europa, porque tenemos dalgunes de les empreses mas contaminantes (que suelen soltar la mierda pela nueche, pa que nun se vea) tamos a veles venir, y nun va tardar muncho en salir noticies chorras pa llavar la imaxe. Porque nun podemos escaecer qu’esti ye un Paraísu Natural, y hai que poner un campu golf en cada conceyu averáu al mar, pa cuidalu.

Agora al Gobiernín preocupa-y el Mediu Ambiente que tovía nun destruyó y xúntalo col Mediu Rural que-y queda por destruyir. Nengún de los dos-yos importa un res.

Lo del doctor Jekyll escontra Mr. Hide namás-y salió bien a Stevenson.