Escucando estrelles

Vamos falar de mitoloxía. De lleendes urbanes.

Según l’Observatoriu Ocupacional del Inem, nel añu 2006, el porcentax de trabayadores con domiciliu n’Asturies que camudaron a centros de trabayu d’otres comunidaes autónomes (tasa de salida) baxó hasta’l 11,34 % (l’añu anterior foi del 18,23%).

Dicho asina diz poco, pero tamos falando de 38.932 contratos, xente que cola.

Madrid ye’l primer destín d’eses contrataciones, col 3,12 %, siguíu d'A Coruña (0,82), Barcelona (0,81), Lleón (0,66), Llugo (0,50), Cantabria (0,46) y Pontevedra (0,44).

Mientres, la tasa d’entrada (porcentax de contratos sobre’l total con destín Asturies por parte de trabayadores con domiciliu n’otru territoriu) foi del 6 %. O lo que ye lo mesmo: 19.164 contratos.

Asina que, según me contaron na escuela, 38.932 contratos de xente que cola, menos 19.164 de xente que vien, dannos un total de 19.768 contratos.

O lo que ye lo mesmo, mui paecío a los 18.000 que dicen eses pegatines que tamos fartucos de ver, por muncho que dalgunos digan que ye mentira.