El desaniciu y abandonu de lo nueso
La historia d’un llibru como metáfora d’esti país pequeñu.
Nel añu 1985 la Conseyería de Cultura encargó a los etnógrafos Armando Graña García y Xuacu López Álvarez un estudiu sobre l’arquitectura asturiana de cubierta vexetal, teitos y horros. L’encargu yera facer un inventariu d’esi tipu de construcciones y proponer un plan de protección y conservación de los qu’había.
L’estudiu fízose, pagóse y quedó inéditu. Acaben de sacalu en llibru agora, ventiún años dempués, y tuvo que sacalu l’Ecomuséu de Somiedu porque naide na Conseyería de Cultura alcontró tiempu pa facelo.
O quiciabes nun queríen que saliere porque ye pa saca-yos los colores.
Ventiún años dempués, más o menos el 80 % de los teitos y horros qu’apaecíen nesi estudiu desapaecieron. Y eso que son ún de los símbolos que siempre usen pa vendese turísticamente nel esterior, porque queden bien nes semeyes y porque son una construcción milenaria y única, que namás s’alcontraba nesa zona.
En venti años, cargámonos el 80 % d’estes construcciones. ¿Cuánto nos van durar les que queden?
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.