Regles pa facer una crítica, de John Updike Escucando estrelles

12/08/2007 GMT 1

Regles pa facer una crítica, de John Updike

ateyavana @ 09:22

Na introducción a “Picked Up Pieces”, el segundu llibru de cuentos que publicara, el gran escritor John Updike daba seis regles pa facer critiques de llibros. Anque pasaren mas de trenta años siguen vixentes.

1. Intenta comprender lo que l’autor intentaba facer, y nun lu culpes por nun llograr lo que nun taba intentando.

2. Cita al llibru abondo (polo menos un cachu curiosu) pa que’l llector pueda formase una impresión propio sobre la prosa.

3. Confirma la to descripción del llibru con cites del mesmu, hasta si namás son frases sueltes.

4. Nun te pases al describir l’argumentu, y nunca estroces el final.

5. Si la crítica ye negativa, cita otres obres del mesmu tipu que fueron feches meyor, d’ente la obra del autor si ye posible, o si non d’otros autores. Intenta entender porqué’l llibru nun furrula. ¿Daveres el problema ye del llibru y non tuyu como llector?

6. Sé honráu. Nun critiques llibros contra los que tienes predisposición, o que seyan de collacios. Nun te creas defensor moral de nenguna tradición o estilu, nin guerreru nuna llucha ideolóxica. Nunca trates de “poner al autor nel so sitiu”. Critica al llibru, non al autor. Na midida de lo posible, ye meyor poner peles ñubes que criticar refugando. La comunión ente’l críticu y el que lu llee ta basada na presunción de qu’esiste placer na llectura.

Mas alantre, él mesmu reconocía que nunca les cumplía del too.