Escucando estrelles

Una de les coses que tien internet ye la democratización definitivo de la cultura, dalgo que nun ta mui bien visto por académicos, críticos y/o periodistes. Ye una de les idees que defendía’l llibru The long tail, de Chris Anderson (direutor de la revista Wired).

Pa dalgunos, como’l llistu d'Andrew Keen, periodista americanu que t’acabantes de sacar a la cai’l llibru The cult of the amateur (Doubleday) esta democracia participativo demuéstrase nes webs mas populares, Youtube, Wikipedia, Digg, Myspace, Flick o Facebook, que tienen conteníos d’interés, pero a la vez tienen una gran carga de narcisismu dixital.

Al paecer, según Andrew Keen, Internet nun ye una democracia, porque ta dominao por xente anónimo obsesionada con sigo mesma y que nun ta siempre preparao. Y amás hai muncha falsedá, porque nun podemos saber quien ye’l que ta recomendando un productu, seique seya’l fabricante o autor.

El 90 % de los nuevos blogs que salen anguaño nos EEUU son en realidá splogs (un amestu del spam publicitariu y de blog) y ye cada vez más difícil distinguir la publicidá comercial de la creatividá democrático y colectivo.

Asina que la cultura de los aficionaos ye tamién un negociu, dalgo que sabe perbién l’autor d’esti llibru, que se ta forrando.