Los santos en procesión
Nel branu, yá se sabe, nos pueblos llimpien a los santos que tan na iglesia amontonando polvu tol añu y sáquenlos de procesión nes fiestes.
Asturies, como pueblu grande que ye, tamién tien una montonera d’estatues- personaxes tardo-franquistes: Sabino Fdez. Campo, Gracia Noriega, Esteban Greciet, Gustavo Bueno, Juan Velarde, la Pepa, Sosa Wagner… y a los periódicos, tolos branos, présta-yos a esgaya sacalos en procesión nes sos páxines, diciendo babayaes.
Un pasín p’alantre y dos p’atrás. Vamos camín de ser un cementeriu d'elefantes.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Amás de les grandilocuentes babayaes anti-llingua de los sos participantes, los cursos de la Granda dexen tamién otres munches grandes cites. Ayeri nel periódicu del movimientu falaben de la conferencia de nun sé quien que dicía que´l cambeu climáticu yera bono p´Asturies porque diba dexar una temperátura y un turismu como nes Baleares, el paisanu yera economista. Pa mexar y nun char gota.
trasgu | 28-08-2007 - 21:36:46 GMT 1 #
Lo de La Granda ye la risión, lo de Pendueles tamién.
Y si, lo del cambiu climáticu da-yos munchu xuegu. Cada poco saquen a dalguién con un estudiu fechu en casa pa rebatilo.
Y pa sacar dalgo curioso col turismu tan faciéndolo permal. Tan copiando onde nun teníen nin que mirar. Nun hai más qu'echar una güeyada a los datos de les rexones más turístiques del país, pa dase cuenta que nun son les mas potentes económicamente, y que vamos pasales putes en cuantes cambie'l ciclu.
Un día d'estos voi facer una entrada sobre'l turismu.
Un saludu
Ateyavana | 28-08-2007 - 21:47:06 GMT 1 #