Escucando estrelles

Per tierres de Sanabria atopamos una xeografía mesetario que l’arquitectura humana nos fai propia. Tamién presta alcontrase, na fala de dalgún paisanu, dalgún xiru propiu de la nuestra llingua.

Merqué ellí, va tiempu, un llibru tituláu “Leyendas, cuentos y romances de Sanabria” de Luis Cortés Vázquez. La primer edición ye del añu 1976, y el paisanu tuvo la santa paciencia de recopilar les histories de los vieyos calteniendo los xiros idiomáticos de cada falante, gallegos unos, asturianos otros.

Déxovos equí, tal cual lu recoyió, una historia que tamién conocemos per equí. Titulóla “Cuento del cura y la criada”, y atopóla nel pueblu de Ribadelago.

Una vez un cura tenía una criada, y fuoron á güerta el cura y la criada. Y cuando le pareciou al cura, se metioron a selombra d’un ciruelu. Y enriba del ciruelu había un rapá.

Y el señor cura y a criada se pusieron a jugare. Y al cura le decía:

-Señor cura, señor cura, un rapá.

Y el cura le decía:

-Lu que salga, lu que salga.

Y le decía a criada:

-Señor cura, un rapá, un rapá.

Que estaba enriba del ciruolu el rapá, pero el cura nun lo vía.

Y le repetió decindu:

-Lu que salga, lu que salga.

Después el cura se dio cuenta, cuando lo dijo a criada qu’había un rapá enriba del ciruolu, y lus estaba vendu jugare.

Y después el cura de verguonza cortou el ciruelu y lo vendió pa facere santos. Y el primeiro santo que ficieron dal ciruolu, lo pusieron pa la imagen el nome de Benjamín. Y le dixu el cura:

Na mio guorta te crieste, ciruelu te coñecí, os milagros que tú fagas, que un me los cuonten a mí.

Con estu se acabou el cuentu, pasou a gallina por debaixo del güertu.