Escucando estrelles

En 1799 el naturalista Alexander von Huboldt recorrió la cuenca del Amazonas. No mas apartao alcontróse con aldees destruyíes con toles choces quemaes, y nun pudo alcontrar rastru de nengún ser vivu. La tribu que los atacara nun dexara nengún superviviente. L’únicu signu de vida yera un loru aturulláu, que de xuru escapara esnalando de la masacre, posáu nuna caña. El loru recitaba llargos alderiques na llingua que falara la tribu destruyía, seique intentando contar tol horror que viera p’aquellos desconocíos. Los restos del naufraxu.

De tola memoria histórica y tola cultura d’un pueblu lo único que se salvara fuera’l tatexu d’un animal inconsciente. Y nun quedaba naide en tola tierra que pudiere entender tola bayura escondía na llingua d’aquel loru.

Hai dalgún estudiosu que diz que lo que falaba aquel loru perdíu nuna selva amazónica yera un asturiano puro.