La falta de xente cualificao
De xemes en cuando, la prensa diario trainos noticies como l’editorial de güei de La Nueva Engaña: EL SERIO PROBLEMA DE LA FALTA DE INFORMÁTICOS EN ASTURIAS. Y quédense más anchos que dándo-y vuelta al periódicu.
Dicen que nun alcuentren xente formao pa trabayar como informáticos, y dicen que ye un problema global. Saquen los nomes de Cataluña y a Alemaña, que siempre dan prestixu, y que tamién pasen por problemes paecíos. El casu ye qu’a min nun me preocupen nin ún nin otru, que de xuro van atopar aína lo que necesiten.
El problema ye otru. Equí, los empresarios siempre echen la culpa a la falta de mano d’obra pa sacar dalgún titular, y presenten dalguna iniciativa que siempre acaba no mesmo: dame perres. Y lo triste ye que les perres nunca acaben en manes de los que trabayen. Si dan 20.000 euros a la empresa por puestu de trabayu, y los que trabayen nun ven esa cifra nin de llonxe ¿a quién quieren engañar?. Salen-yos los trabayadores gratis un añu, y tovía quieren más.
Nun hai xente que quiera trabayar na hostelería, na construcción, como conductores de camión (tráenlos d’otros países como Portugal o Rumanía, a los que nun-yos puen aplicar lo del carné por puntos, y amás cobren menos)...
Cuando dicen trabayu “en puestos de calidá y con salarios competitivos en términos de poder adquisitivo” ¿a qué se refieren? ¿Qué ye eso? Un salariu ye buenu o nun lo ye, y n’Asturies, por muncho que digan, los sueldos de los que trabayen (non los de los políticos) son muncho más baxos que n’otros llaos, amás que con una bona facultá d’informática, nun hai puestos bonos pa ellos. Porque puen colar pa cualquier otru sitiu y llevantase’l doble o más de lo que-yos ufierten equí, onde va contratalos una empresa que los subcontrata a otra, chupando la metá de lo que deberíen ganar. Y si se quieren buscar la vida pela so cuenta van tener más torgues que si vienen de fuera. Ye triste pero ye asina. Si pasa hasta colos funcionarios: p’Asturies vienen los peores médicos de cada fornada o xente que quier tar cerca casa, porque les condiciones que-yos tan ofreciendo, en cuanto a duración del contratu y perres, son les más baxes de tol territoriu español.
Fai unos años la xente estudiaba informática porque yera’l futuru, dicíen. Toos o cuasi tolos que salieron de les primeres fornaes tuvieron que colar fuera porque equí nun-yos daben nada curioso. Ficieron la so vida fuera, mercaron pisu y tuvieron los críos, con milenta ayudes qu’equí nun pues atopar per nengún llau.
Sé un poco de lo que falo, porque’l mio hermanu ye informáticu, ta trabayando en Cataluña, nuna multinacional. Ta fixu nun bon puestu porque los d’equí tienen meyor formación y promocionen al que val. Tuvo un críu a entamos del añu, y la empresa dio-y 4.000 euros brutos por ello. Coles condiciones de trabayu que tien ellí, tien asumío que’l so críu va ser catalán y falar catalán, y nun piensa volver per equí namás que de visita.
Fai años dicíen que’l modelu diba ser Irlanda. Ónde ta anguaño’l tigre celta y onde ta l’asturcón astur, colos cascos esfechos pol formigón.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Ai, ateyavana, nun camientes que trasgu ye'l únicu que te llee, yo paso perequí a diario (presta ver a una persona tan constante y con entraes tan interesantes) lo que pasa ye que a mi déxesme tan ablayada que nun sé nin qué dicir. Ye tan deprimente la realidá d'esti país que se-y quiten a una les ganes de tar informada. Pero a l'alternativa a ello nun me la lleva la conciencia.
Un besín
Laura | 23-09-2007 - 13:06:12 GMT 1 #
Queridu amigu o amiga ( que no lo sé ) [ perdón por la confianza con esa palabra tan guapa, pero gústame usala y espero que nun te importe.
Llego aquí desde el enlace de Al debalu, espero ser bienveníu entre los tos comentaristas, si molesto, pues na, avísesme , me voy, y tan amigos :-)
Toy de acuerdu con algunes de les coses que dices, con otres no. Toy MUY de acuerdu con la cara dura de algunos que se hacen llamar empresarios en esta rexón. Digo que se faen llamar empresarios porque pa mí un empresariu ye un señor, o señora, que se arriesga, que se gasta les neurones, que trabaya más que los sos empleaos, que crea riqueza, y que crea empleo. Y d'eso, en algunos sitios, me temo que no tantos como sería de desear, tengo entendío que existe. Incluso hay algunu aquí, si nun me informen mal.
Luego tan esos otros, los que tú comentes. Los que dicen eso de "ay, ye que nun somos quién a encontrar mano de obra cualificá". Que traducío significa: gobiernín, dayme perres de eses que paguen esforzadamente con sus impuestos los trabayaores pa que pueda hacer como que formo xente cualificá pa trabayos de altu valor y/o demanda, y mientras fago el paripé, métome les perres en bolsu. Esi ye el gran problema de esta rexón. Y que munchos, ya, pa terminar de arreglalo, ofrecen unos salarios y unes condiciones de m***da. Porque nun me digas tú a mí que nun iban a aparecer trabayaores si ofrecieren los sueldos que hay de ofrecer. Veníen hasta de Shenzen, salíen hasta d'embaxu les piedres. Pero claro, así nun se pue tener segunda y tercera residencia en la costa, ni rascase la barriga y que trabayen los pringaos, ni... ¿ pa qué voy seguir ?
No estoy de acuerdo, te decía, en varias cosas, pero me limitaré, antes de que me dés demasiadas (merecidas) collejas, a citarte una: no es del todo verdad que a Asturies sólo vengan los peores médicos y médicas. Te puedo asegurar que en el Sistema Público de Salud asturiano hay algunos profesionales excelentes. Podría citate d'ellos, aunque la mayoría tan en puestos discretos y nun los conozco y no los conoceré enxamás. Citaré unos pocos: Dr. Javier López, mi oftalmólogo. Carlos Suárez, otorrinolaringólogo, y especialista en operar tumores ubicados en la base del cráneo. La totalidad del equipo de cardiología del Hospital Central de Asturias, con especial mención a cuantos participan en el equipo que realiza los trasplantes de corazón...
Eso sí, que haxa salú y nun tengamos de disfrutar de su excelente hacer profesional. Buena nuechi.
Sergio | 25-09-2007 - 00:14:17 GMT 1 #
Mui bones, Sergio, si dexo la puerta abierta ye pa que paséis y toméis dalgo, que convido yo. Presta charrar al rodiu de cualquier tema, asina qu’equí tamos pa lo que quieras.
Amás valoramos la sinceridá, y nun diba prestar tanto si tuvieres d’alcuerdu con TOLO que dicimos. La razón siempre sólo se da a los neños, los xefes y los llocos.
N’Asturies nun tenemos empresarios nel sentíu que tu apurres (lo qu’enantes yera un empresariu de tola vida). Si tenemos xente que tien empreses, y que si-yos quiten el tetu públicu nun diben saber namás que berrar de fame… Y la verdá ye qu’a veces quema’l sangre, pero val más nun pensar muncho nello, pa poder dormir bien.
Nun te voi dar nengún pescozón, ye más, hasta acepto bien el tuyu. La verdá ye que munches veces escribo a tou meter y meto dalguna patada. Nun ye verdá que sólo vengan los peores médicos, porque yo tamién conozo a dalgún mui bonu. Lo que si ye cierto, y puntualizo equí lo que dixi, ye que nos vienen los recién titulaos con peores notes, lo que nun quier dicir que dempués seyan peores médicos (el doctor Andrenio ye malu pa la Conseyería, non pa los pacientes, que ya firmaron 5.000 pa dar el so sofitu). D’hai unos años p’acá les condiciones que-yos ufierten nun tienen comparanza coles que puen tener n’otres comunidaes, asina que vienen equí con contratos de seis meses o un añu, renovables (y puen tar asina tola vida), mientes n’otros llaos van con contratu fixu y ganando más.
Porque esa ye otra, la nuestra alministración tien repelús al funcionariáu en ciertes estayes. Entruga a dalguién que conozas pola situación de los interinos de la enseñanza, por exemplu, a ver qué te cuenten.
Namás, dicite qu’encantáu de vete per equí, y qu'haxa salú, pa que nengún médicu se pueda vengar. ;-)
Ateyavana | 25-09-2007 - 15:27:02 GMT 1 #
Estimau Ateyavana. Confesarete que tengo algo de afición pola xestión de la cosa pública; y nun sólo eso, sino que milito, y me siento muy honrau de ello, en el Partido Socialista de esta rexón, en concreto en la Agrupación de Oviedo. Nun me extrañaría que esta confesión sí te llevara a dame dalguna colleja, pero la acepto de bona gana, porque sé que no siempre somos demasiao queríos por muncha xente del nuesu pueblu, y, en algún casu, hasta algún motivu damos.
Dicho eso, seguro que, con la tolerancia que me parez percibir en ti, entenderasme y permitirasme que te diga un puñaín de coses, de les que sé algo. No mucho, porque enxamás xestioné la cosa pública, porque la única vez que trabayé pa la Administración fue de laboral, con un contratu de duración determinada, y en virtud de un concurso-oposición ganau siendo Presidente un tal Sergio Marqués, que seguramente recordarás que precisamente socialista nun yera.
Dende la mio ignorancia, pero sabiendo cuatro cosuques, puedo dicite que ye muy muy difícil cuadrar un presupuestu. Que faen falta asgaya mogollón de coses que cuesten perres, y que la misma peseta (perdón, el mismo céntimu de euro) nun se pue gastar en dos coses distintes. Entós, ocurre que nun siempre se yos pue pagar a los médicos, y al resto del personal que trabaya en la sanidá pública, tanto como unu, cuando tien la responsabilidá de encargase de Salú, desearía. Y ansina pasa con delles y delles coses.
El tema de los docentes ya ye más complicau tovía si cabe. Tengo dellos amigos y amigues que trabayen de interinos en educación en Asturies, y me cuenten munches coses. Pero ya te digo, ye muy complicao. Por millones de motivos. Unu, que cada vez hay menos guajes y cada vez hay más xente, homes y muyeres, con formación y capacidá sobraos pa ser maestr@s y profesores/as. Pasa, tamién, que dende munchísimos años atrás había un montón de interinos de una cierta edá que llevaben munchos años trabayando en la educación. Y a mí dolíenme todos. Sufrí mucho, una cierta época, con un conflictu en el que toes les partes teníen sus razones, y en el que nunca fui capaz de saber quién tenía la razón. Ye muy duro que una muyer de cincuenta y pico años que lleva treinta trabayando de maestra pierda el so trabayu. Porque además, a los cincuenta y pico años y trabayando no se ta en les condiciones de tiempu y de retentiva pa estudiar unes oposiciones en les que ta un rapaz o una rapaza de 23 o 30 años que acaba de terminar la carrera. Del mismu modu, dolíame que se quedara sin trabayar un rapaz o rapaza con un expediente académicu en la Universidá de meter mieu y con un 10 como la copa de un pino en el examen de la fase de oposición, porque no podía competir con los puntos que otros ya teníen en la fase de concurso.
Quizás me digas que nun aporto soluciones; y terrás razón, toda la razón, porque nun les teo. Teo alguna, como apoyar que la xente xoven puea tener los fíos que desea y que nun se pue permitir en la situación actual del empleo, tanto en salarios como en estabilidad. Alguna otra, como desarrollar yacimientos de empiegu pa que la xente con ciertos estudios tenga otres salides aparte de ser profesor de secundaria. Pero ninguna de eses coses ye tan fácil facela como dicila, te lo puedo asegurar. Y cuando quieras, si te presta, me dices en qué no tas de acuerdo de cuanto he dicho, en qué me equivoco o crees que me equivoco, cuántes coses desconozco, que sé que son munches, y a lo meyor, algún día, terminamos arreglando el mundo, además de en una fría bitácora, en un cálido chigre con una prestosa cervezuca delante. Entre tanto, cordialmente tuyu, Sergio.
Sergio | 25-09-2007 - 15:57:03 GMT 1 #
¿Asina que yes del SOE y pa encima d’Uviéu?... Bono, como dixo’l de la película: naide ye perfectu. Agora que, si yo fuere tu, miraba eso de la “querencia pola xestión de la cosa pública”, que tolos qu’entamaron asina acabaron metíos a políticos. ;-)
Bien, toi contigo que cuadrar un presupuestu ye dalgo perdifícil, y que nesti país a toos-yos presta muncho poner el cazu pa marafundialo no d’ellos. Tamién me paez que munches veces, escápense demasiaes perres por sitios que, a lo meyor, nun lo merecíen tanto. Pa min hai cuatro coses básiques, y una d’elles son los servicios sanitario-asistenciales, y muncho más nuna rexón como la nuestra, onde la población va pa vieyo, y cada vez tenemos menos críos porque muncha de la mocedá tuvo que colar fuera, y fai la vida llonxe. Prefiero que gasten perres en dotar a los hospitales o en formar y pagar meyor a los profesionales qu’en tanta carretera, central de ciclu combináu o centru d’interpretación.
Y lo de los docentes si que ye muncho más complicao. Por supuestu qu’a min tamién me fadia la situación de munchos interinos, con trenta años d’esperiencia ensin tener plaza, pero tamién ye porque asina tienen el trabayu más averáu a casa, y non tuvieron que tar en cá Dios como los que saquen una plaza de nuevos. Ye un problema que s’arrastra añu tres añu por nun facer les coses bien fai tiempu, faciendo una prueba especial pa ellos o dalgo asina (como ficieron colos del Serviciu de Recaudación esti añu, mira), y que fai qu’haya un tapón, con xente mozo preparao que tien que dir a otres comunidaes onde sí se saquen places abondes, porque a la fin va en beneficiu de toos: el gastu ye’l mesmu, y si sabes que tienes un puestu fixu a lo meyor merques una casa y tienes fíos enantes, y faes más consumu, porque tienes una estabilidá que si tas nuna llista, a la espera de que te llamen si hai una baxa, nun vas tener. Asina que la xente emigra, saca la plaza llonxe y fai la vida ellí, lo que se traduz nuna población más vieyo y con menos natalidá, y menor consumu, y… Amás, lo de tener una clase docente avieyao tamién ye malo, porque son más ríxidos y puen acabar dando una formación deficiente en delles coses a los más neños, anque solo seya por una cuestión de distancia temporal ya incapacidá d’adaptación a les nueves tecnoloxíes.
Asina que, doite la razón colo que cuadrar un presupuestu ye perdifícil, y qu’atopar soluciones pa munchos problemes a veces ye dalgo cuasi imposible, pero ye que nun pue ser d’otra manera. La política ye dalgo mui, mui complicao, pa lo qu’hai que valir, porque tienes que tener vocación de serviciu a la comunidá: saber que tas ehí pa facer la vida más fácil a los que te votaron, y que nun tas ehí pa pasiate en phaeton y colocar a media docena collacios cuatro años. Eso nun ye política, eso ye ser un chupatintes, pa ser políticu hai que tener un poco visión de país, prever les coses enantes de que seyan un problema, pa que la xente nin s’entere. Fai tiempu, un par de meses, fici una entrada sobre ello: “sobre la educación n’Asturies” o dalgo asina, onde aportaba una posible salida, mira a ver qué te paez.
Y como pues ver, a min tamién me presta a esgaya arreglar el mundu. Nun tengo solución pa nada, pero digo les coses como les veo, a ver si dalguién les garra y les trabaya o me les discute con argumentos, como faes tu. Y claro que diba prestar más delantre d’una birra, pero eso yá lo faigo munches veces y tengo a los collacios fritos… Por eso’l blog. :-
Ateyavana | 25-09-2007 - 20:03:56 GMT 1 #
Dos comentarinos:
1) en la xente de bien de los gobiernos, y faila abondu, aunque ya sabes tú que de to hay en la viña del señor, cuando un paisanu o una rapaza quier más presupuestu pa su departamentu ye porque ye el que vive, el que siente, el que lu tien concienciau. El conseyeru sanidá quier perres pa poder pagar bonos médicos, la directora de vivienda pa poder echar una mano desde lo público al acceso a un hogar a quien lo tien complicao en el mercau llibre, etc., etc.... Luego llega el de Economía, que -y toca facer la parte del poli malu, y dayos a tos hasta en el cielu de la boca recordando que eso hay que pagalo, y que les perres ni siquiera al Estau -y les pinten, pero eso ye perbono y, si un día yo tengo una responsabilidá de gobierno, que nun la terré enxamás, yo voy querer pa lo mío tos los recursos del mundo, ya voy pelear nel Conseyu de Gobierno pa arañar hasta el últimu céntimu, y con toda la tranquilidá de conciencia del mundu, nun sé si me explico.
2) Comparto munches coses que dices, pero tamién quiero matizate que les carreteres, les centrales de ciclu combinau, y los centros de interpretación tamién son importantes.
Sin una carretera nun se llega a dengún llau, son infraestructures básiques que abren puertes al desarrollu de otres iniciatives y que están en la base de construir economía y crear riqueza. A les naves pa trabayar el metal hay que llevar el material, y d'elles hay de sacar los productos elaboraos. Los trabayadores tienen que poder ir y volver a los sitios donde creen riqueza y a les sos cases, etc., etc... Grandes saltos de la hestoria son pasar de la mula al ferrocarril, o comunicar los pueblos con carreteres. Mi bisgüela criose en Lindes, en el último pino del conceyu de Quirós, y, como comprenderás, eso dificultaba muncho mercar con cereales, y nun te cuento nada con madera.... ¿ sigo o ya te aburrí bastante ? :-)
Les centrales de ciclo combinau son perimportantes en una rexón donde el suministru de gas depende muy críticamente de la estabilidá de países que nun la tienen garantizá, y son menos contaminantes que una térmica de 1960. Puen usar combustibles que una central de combustión de tecnoloxía anterior nun podía, tampoco te voy a aburrir más, pero si quies abrimos un post por cada uno de los tres temas aunque nos quedemos solos leyendo :-)
3) muncha xente quier, necesita y demanda centros de interpretación. Tú dexes a la xente que llegue a la Vega de Enol o a Buferrera y salte diciendo "ye como en toes partes", al menos el 90% del turista típicu, yo lo he visto. Hoy la xente entra en Soto de Aigues y sabe lo que ye el ciclu del agua, y marcha con muches coses deprendíes, que -y permiten luego concienciar a sus amigos ejerciendo un efecto multiplicador.
Podríamos usar tou el presupuestu rexonal en pagar a los médicos, pero yo no lo encuentro conveniente, quizás un día logre convencete de algo, entre tanto préstame muncho que me dexes abiertu esti espaciu donde expresame.
Haxa salú.
Sergio | 25-09-2007 - 20:29:29 GMT 1 #
Toi dafechu d’alcuerdu contigo nel puntu ún. Solbes ye’l mio héroe de los últimos tiempos, ye’l Pepito Grillo del gobiernu, y siempre ye necesariu dalguién que-y diga al oyíu del César: alcuérdate que yes mortal.
Sobre’l puntu 2. Nun tengo nada contra les carreteres, ye más, paezme que tan perbién y que son básiques… cuando lo son. El problema ye qu’Asturies son 78 conceyos con 78 alcaldes que quieren que llegue una autopista al pie casa… y eso nun pue ser. Ún de los mayores valores que tenemos nesti requexu’l mundu ye’l paisaxe (dalgo que taba ehí y que milenta xeneraciones de paisanos con un gadañu na man caltuvieron) y ye una de les coses que faen que la xente venga a facer turismu. Agora tol mundu tien priesa y quier llegar a tolos llaos ensin baxase del coche, escaeciendo que’l viaxe tamién presta, asina que tan asfaltando toles caleyes. Hai que caltener un equilibriu y facer les coses con criteriu… Un exemplu claru, que de xuru ya conoces, ye’l d’Irlanda, que partía d’un puestu asemeyáu al nuestru, apostó poles nueves tecnoloxíes, y agora tien una de les rentes per cápita más grandes de toa Europa… y malapenes hai, en tola isla, cien kilómetros d’autopistes… Nesta campaña electoral falóse d’afuracar el Sueve pa comunicar Arriondes cola autovía de la costa… nun se tu, pero a min paezme que tien más valir sacar alantre la variante de Payares o’l tramu Unquera-Llanes qu’esa obra que nun diba valir namás que pa estrozar una zona perguapa pa que los turistes aforren venti minutos en dir a Cuadonga.
Y yá que tamos colos turistes, paso a los centros d’interpretación. Nun toi en contra d’ellos, siempre que tean bien atendíos y nun acaben siendo un sofitu pal bar del collaciu del alcalde. Los más d’ellos tan mal atendíos, como si con poner cuatro paneles namás yá valiere. A lo meyor nun tenía qu’haber tantos centros d’interpretación y si más xente formao que t’enseñare los sitios, dando trabayu a xente que lo necesita.
Les centrales de ciclu combináu son perimportantes, d’alcuerdu. Pero voi ponete deberes, si me dexes, mira a ver cuantes hai en toa España y cuántes tenemos previsto facer equí, pa dempués tener que sacalo fuera (anguaño producimos tres veces más de lo que consumimos, con tolo que tienen previsto van ser diez veces más). Y a cambiu tenemos qu’estrozar esi paisaxe que ye lo qu’atrae a la xente. ¿Miraste les estadístiques de cáncer n’Asturies? ¿Nun diba ser más racional otra política enerxético?
Nun te preocupes, que toos estos son temes que van dir saliendo poco a poco per equí, asina que nun te voi aburrir más. ¿Val?
Salú.
Ateyavana | 25-09-2007 - 21:26:00 GMT 1 #
¿ Aburrime ? Ye un deleite, leyete, chavalín :-)
Salú.
Sergio | 25-09-2007 - 22:14:53 GMT 1 #