Sobre la TPA
Ye dalgo más vieyo que la tos eso de poner al llobu a curiar les oveyes: el mayor furtivu del pueblu ye’l meyor guarda, porque sabe onde poner les trampes... Si quies que naide te critique una televisión plano y qu'aporta mui poco, nun tienes namás que meter a trabayar a los que te puedan criticar.
Si, toi falando de la TPA (Too Por Areces), esi inventu pa marafundiar perres a la mayor gloria del réxime.
Contrata xente foriato, que se vea que tienes vocación d’universalidá, y subcontrata, que dalgo queda. Da-y la xestión de programes a La Nueva Engaña, a la Vocina de Asturias, al Bebercio, qu’asina nun van gorgutar porque tienen la boca enllena. Mete a tolos partíos políticos nel conseyu, onde podemos aparcar hasta quince magüetos, pa que se puedan quitar de delantre a dalgún ex-alcalde resentíu ensin nada que facer, y tira p’alantre que llibres.
Y enseña una Asturies de postal, falsia la realidá, machaca la llingua, aborrega a la xente.
Pa que dempués venga un Ambás, cenciellu y ensin dase importancia, metiéndose nes cases de la xente de pueblu y te lo reviente too.
Mañana torna “Camín de Cantares”. Hai que velo pa descubrir esa Asturies que dalgún tolaina diz que nunca nun vió.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Pos "batacazu" del primer capítulu de la segunda temporada, namás que´l 0,9 % de share y 1.000 espectadores. Daqué tien qu´haber mal cuando "Pieces" que nun suel sacar mui bonos resultaos, anque pa lo "cultureta" que ye bonísimos, triplicó l´audencia de Camín de Cantares cuando siempre ye al revés.
Lo peor ye lo de La Nueva, siempre diciendo que nun facía falta una autonómica, metese nel pastel, zarrar la boquina (ye increible qu´enxamás lleeramos una mala crítica de la TPA en dengún mediu asturianu y namás se mos informe de los estrenos y de los ésitos d´audiencia col Sporting) y dir a Madrid a grabar un programa de tv como si fora equí a callandinos, esi periódicu que tanto defiende la "región"..
trasgu | 03-10-2007 - 04:10:22 GMT 1 #
Pos "batacazu" del primer capítulu de la segunda temporada, namás que´l 0,9 % de share y 1.000 espectadores. Daqué tien qu´haber mal cuando "Pieces" que nun suel sacar mui bonos resultaos, anque pa lo "cultureta" que ye bonísimos, triplicó l´audencia de Camín de Cantares cuando siempre ye al revés.
Lo peor ye lo de La Nueva, siempre diciendo que nun facía falta una autonómica, metese nel pastel, zarrar la boquina (ye increible qu´enxamás lleeramos una mala crítica de la TPA en dengún mediu asturianu y namás se mos informe de los estrenos y de los ésitos d´audiencia col Sporting) y dir a Madrid a grabar un programa de tv como si fora equí a callandinos, esi periódicu que tanto defiende la "región"..
trasgu | 03-10-2007 - 04:11:53 GMT 1 #
Tamién la otra vez entamó mal. Nun taba bien anunciao, paezme. Nun te preocupes, que ya dirá garrando puxu.
La Nueva ye lo que ye: un sumideru ayudes y publicidá.
Salú.
Ateyavana | 03-10-2007 - 19:12:19 GMT 1 #