Tarxeta colorada
Vamos sacar una tarxeta colorada a David Gonzalez, esi poeta puercu que quier dir de malditu pela vida y que, namás que pue, nun para de miagar por perres.
Ayeri, yera l’autor invitáu na columna de Diego Medrano n’El Comercio, titulábase Lagrimas y lija, y como fai casi siempre, volvió a echar la llingua a pacer (nun lu traducimos porque nun-y presta):
“A Rimbaud le despreciaban en su pueblo tanto como me desprecian a mi. Hablo siempre de las instituciones, no de gente. Estaba harto del cielo gris de esta ciudad, y de las columnas de humo de Aceralia, que me recuerdan que yo curré allí. Estaba harto de que se me excluyera de todo tipo de acto público.”
“¿Sabías que en diez años como poeta en mi propia ciudad aún no me han llamado para una lectura a cambio de una puta peseta? Me voy a largar de aquí en cuanto pueda, porque aquí me voy a morir de hambre, al carecer de ingresos por otra vía y al ser marginado estética y sistemáticamente. Pero, claro, es que no escribo en la nuesa llingua de los cojones”.
Nun ye la primer vez que se mete cola llingua, nin va ser la última. A lo meyor el so discursu puercu y malditu furrula bien llonxe. Pero nuna ciudá pequeña, onde se conocen toos, dir de malditu sabiendo d’onde vienes nun lo cree naide.
Como diría la mio hermana, ésti quier “ser guai y nun llega nin a chachi”.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
solo se-y puede dicir una cosa al gonzalez esi ,,,
If yoy want money get a real job you lazy f*ck !
ayalgueru | 14-10-2007 - 12:15:22 GMT 1 #
Esti home ye'l exemplu viviente d'una cosa qu'esplicaba Milio Rodríguez Cueto nel so ensayu "Vistes lliteraries" (un testu un poco vieyu yá pero que, visto lo visto, tovía tien pensamientos útiles pa güei). Lo que dicía yera que los escritores asturianos qu'escriben en castellanu (sobre manera los que refuguen l'asturianu) van quedar siempre oxetivamente en segunda fila (magar que-yos dea cancha La Nueva España) porque nun van ser quien a caltriar na realidá que los arrodia. Poro, el resultáu de los sos esmolecimientos va paecer siempre una copia mediocre de la lliteratura castellana (o neoyorkina, pal casu), una lliteratura urbana que quier ser universal y al final acaba siendo de nengún sitiu.
En fin, a mi nun me disgusta la poesía de David González pero la actitú... Nun pueo entender que seya tan sumamente peseteru. Coño, que nesti país y casique en toos lo normal ye que la poesía nun dea perres y que precisamente por ello los poetes nun lo sean pol interés. Amás ta mui mal informáu, porque yo nun conozo nengún poeta qu'escriba na nuesa llingua y que tea forráu, toos tienen fuentes d'ingresos alternatives (eses qu'él nun quier buscar y motivos tendrá, supongo). Pa mi lo que ye de traca ye que l'otru día tovía dixo que taba a favor del canon a les biblioteques, arguyendo que'l llibru ye un oxetu de consumu como otru cualquiera.
Besinos
P.D Mira a ver que nun te fuera la invitación pa lo de llectoresyllectures a "corréu non deseáu", porque yo mandar mandéla y tenía que venite ehí la contraseña
Laura | 14-10-2007 - 21:49:24 GMT 1 #
Fai unos cuantos añinos na Muestra Corregida y Aumentada de la Poesía en Asturias, uno de los poetes antologaos definía l’estáu de la poesía n’asturies tal qu’asina: veo muchos González, pero ningún Angel… Pasó’l tiempu y siguimos igual.
La pena ye que nel blog anterior tenía unes declaraciones inda peores contra l’asturiano, pero borró’l blog y nun soi quien a atopales.
Esti David González ye un mediocre y un peseteru, y va siguir siéndolo tola vida. Tampoco merez más comentarios porque ye da-y más importancia de la que tien.
Un saludu a los dos( Llaura, ya lo atopé).
Salú-du. ;-)
Ateyavana | 15-10-2007 - 16:48:24 GMT 1 #