Unos eurillos de más
Pues resulta que sácase a concursu una obra de la de mio madre, y danla a la empresa X, y la empresa X pue facer lo que-y dea pola gana pa disparar el presupuestu, ensin que naide la controle. Y dempués pon el cazu y diz que necesita más perres porque sinón queda too empantanao.
La llei diz qu’en casu d’ampliación presupuestaria hai que sacalo a concursu otra vez, pero en dalgunes partes del mundu la llei ye dalgo mui enguedeyao.
Ensin afondar nes causes, anuncióse un sobrecoste pequeñu nes obres del puertu d’El Musel. Que si les oles del mar, que si les piedres de la cantera, que si los camiones, que si un cambiu d’última hora, que si’l nordés, que si la clasificación del Sporting… En fin, que necesitamos dalgo asina como 230 millonucos d’euros más (de momentu) pa poder acabar lo que ta entamao. O seya, contratamos en 580 y agora vamos pasar de llargo de los 800.
Y lo peor ye que nos lo quieran vender como dalgo normal, facenos pasar por tontos.
Pues non señor, nesti tema dalguién metió la pata o la mano hasta’l fondu.
En fin…
http://www.lavozdeasturias.es/noticias/noticia.asp?pkid=373706
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Por nun pasar a cuestionanos el porque tamos faciendo una obra de 580 millones en primer llugar ,,, y ye que nesta asturies nuestra les perres pubiques nun son de naide ,,, pixie dixit.
Un saludu ,,,
ayalgueru | 24-10-2007 - 22:19:48 GMT 1 #
Si, dalgún debe pensar que lo público nun tien amu.
Aparte del marafundiu perres nuna obra que nun val pa nada, namás que pa enriquecer a dalgún indeseable y pa que dalgún políticu paletu s’enchipe, tan por ver los efectos a llargu plazu nes playes de Xixón y Carreñu. La pena ye que cuando lo veamos va ser tarde.
Pena de país.
Salú.
Ateyavana | 25-10-2007 - 17:29:57 GMT 1 #