Sobre'l Turismu
L’espilforre de recursos usáu pa enmazcarar dalgunos negocios de la oligarquía político y empresarial que caltién el poder nel nuestru país, paez que namás nos da noxu a dalgunos (pocos). Como nun alcuentren, ente toos ellos, una idea nueva, repiten modelos caducos 
cuantayá. Llaboral y la TPA, les xoyes de la corona nesti sen (falten tovía’l Calatrava y el Niemeyer), son cáscares vacíes con una programación plano, por muncho que nos les quieran vender. Tolo demás, como dicía l’otru, ye propaganda y museínos de cartón piedra y plexiglás, mientes la realidá que les arrodia muerre por falta de sustentu.
Otru gallu diba cantanos si destinaren la metá o la cuarta parte d’esi marafundiu perres pa curiar el patrimoniu natural, cultural ya históricu que tovía nun marafundiamos nin nos esfarraparon.
Eses coses nun dan negociu inmediatu, piensen, mirando pal turismu mediterráneo, escaeciendo que’l turismu de Francia, de Suiza, d’Escocia o d’Irlanda ta basáu n’otres coordenaes: mirar pol patrimoniu que tienen, como vienen faciendo dende fai munchu tiempu
Pero eso ye una cosa qu’hai que planificar, y los resultaos nun son inmediatos. Por eso naide fai nada.
Y non tan llonxe d’equí, partiendo de muncho menos, tan faciendo les coses muncho meyor.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Nun ía seique tanto los recursos a destinar cumo l'esfoutu en facer las cousas bien.
You tou fixu que n'Asturias cuartos hailos. Pero gastanlos ensin cabeza nenguna:
http://www.lne.es/secciones/noticia.jsp?pRef=1815_52_575487__Opinion-proposito-Caliao-empantanada-politica-regional
En fin, nos nun somos Suecia, anque la bandera sía paecía...
Diestru | 08-11-2007 - 11:39:02 GMT 1 #
Nun ía seique tanto los recursos a destinar cumo l'esfoutu en facer las cousas bien.
You tou fixu que n'Asturias cuartos hailos. Pero gastanlos ensin cabeza nenguna:
http://www.lne.es/secciones/noticia.jsp?pRef=1815_52_575487__Opinion-proposito-Caliao-empantanada-politica-regional
En fin, nos nun somos Suecia, anque la bandera sía paecía...
Diestru | 08-11-2007 - 11:39:42 GMT 1 #
Mui bones, Diestru, encantáu de vete per equí.
Guapu enllaz m'apurriste, si señor.
Lo de Caliao quieren facelo cueste lo que cueste, porque son necios como gochos y son munchos los intereses qu’hai en xuegu.
Fai unos añinos, punxeron sobre la mesa la esplotación d’un acuíferu d’agua potable en Xixón, con capacidá p’abastecer tol consumu de tola ciudá ente venticinco y cincuenta años. Y too ello con un coste que nun llegaba a lo qu’anguaño son 600.000 euros: lo xusto pa llevar una traída dende la mina de La Camocha hasta los depósitos de Roces.
La respuesta que dieron foi: non interesa. ¿Motivu? A los dos llaos de la mesa había persones que nun se podíen/puen ver y porque yera un negociu onde los de siempre nun diben pillar cachu.
Y asina nos va.
Salú.
Ateyavana | 09-11-2007 - 18:01:16 GMT 1 #