Coses
Nun tengo dulda de qu’Asturies ye un país cainita, cada poco hai muestres que salen a la lluz. La última foi esta selmana cola estéril ya inútil polémica del Premiu Trabe.
http://opinion.asturnews.com/?p=100
Los que lo vemos dende fuera podemos ver dalgo de razón nes dos partes. Pero paezme que tien razón Pablo Rodríguez Medina al señalar qu’eses declaraciones dicen mui poco de los miembros del xuráu.
Dame que pensar que’l mundu de la música ande revueltu, y tamién se revuelva cada poco’l de la lliteratura.
El mundu cultural n’asturianu pue que seya’l más subvenciollináu del mundu mundial y parte del estranxeru. Hai músicos o escritores que nun diben poder selo en nenguna otra llingua del estáu, pola cenciella razón de que son más malos que la quina. Y qu'haya puñalaes ente egos que nun son quien a pasar de trescientos exemplares vendíos nun da más que vergoña, y a lo meyor risa.
Son pocos, mui pocos, los llibros o discos fechos nesti requexu del mundu que nos faen respiganos. El nivel mediu ye más qu’aceptable, pa los pocos que somos tenemos coses bonísimes que diben merecer un poco más d’atención (agora mesmo toi escuchando’l discu de Tutu Studio 07 y tien un puñáu de canciones precioses), pero tamién tenemos muncha morralla, coses que nun merecen la pena que vieren la lluz.
Echo en falta canciones o llibros de los que nos faen conocenos meyor a nós mesmos, d’esos qu’escucho o lleo y me faen conoceme meyor y conocer meyor al mundu que m’arrodia, o que cenciellamente me faen disfrutar de verdá y faen que quede en paz conmigo mesmu.
Esos llibros o discos nun los atopo n’asturiano. Anque tovía nun perdí la esperanza.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Toi mui d'alcuerdu colo que dices.
Pienso qu'hai xente con una tremenda prisa por vese con lletres d'oru na historia de la lliteratura asturiana.
Hai xente que trabaya pola llingua y cultura de nuestro porque lo siente y afáyense sestaferiando nello. Y tamién hai xente que trabayen con más o menos gana nello según el porgüeyu que saquen.
Yo esto siempre lo conocí asina. Si, pa detrás, entra nel xuegu'l tema de les subvenciones acabamos de prender la foguera de les discordies.
El xanu\'l caborniu | 10-02-2008 - 21:11:24 GMT 1 #
N'una sociedá onde el leyer ye una experiencia cá día más variá, multiforme, casi poliédrica, atrevíase un a dicir, onde comiences la xorná agüeyando los titulares de la prensa seya rexonal que mundial na web, continúes intercambiando correos personales y profesionales con tus colegas, escuches la música del momentu en el fondo musical que te pone tu empresa, alcuentres el datu que se escondía en la wikipedia o en google books, ya, agotau, acabes el dí durmiéndote abrazau a uno de esos beneméritos libros en papel que, digan lo que digan, tienen un poder hipnótico que jamás alcanzará el menos stressante de los monitores, ¿ la presencia de dellos blogs en asturiano, total o parcialmente, nun te paez un comienzu?
Quizás aún nun nació el Faulkner asturianu, pero da-y tiempu al tiempu...
Sergio | 10-02-2008 - 21:16:46 GMT 1 #
Como diz el refrán, Xanu, pan pa güei y fame pa mañana…
Y Sergio, el qu’haya blogs na llingua asturiana fai que se vea un poquiñín la llingua nin mas nin menos, anque’l qu’entre buscando dalguna cosa salga escopetáu. Por eso hai que colgar coses de toles estayes na rede, pa que se vean… Y Faulkner namás hai media docena por sieglu, diba ser de traca que nos tocare dalgún a nós nesti requexu de miseries.
Salú.
Ateyavana | 11-02-2008 - 20:36:25 GMT 1 #