Votar o nun votar
Apúrrovos un testu guapu de Miguel Ángel Llana
VOTAR O NUN VOTAR NES ELECCIONES DEL 9 DE MARZU ¿PA QUÉ?
Dientro d’un mes va tener una papeleta na mano, pero como usté nun ye de fiar nin siquiera usté mesmu va poder metela na urna. Asina entama y termina la so actividá y participación democrática hasta dientro de cuatro años.
Si usté ye militante del PSOE, PP, IU o de dalgún otru partíu d’ámbitu nacional o autonómicu (na mayoría de los casos) nin siquiera va poder participar na elección de los candidatos que presenta’l so partíu, de mou que por esta razón (y otres munches) cuando la democracia nin siquiera furrula dientro de los partíos qué puen esperar el restu de los ciudadanos. Les llistes son zarraes, ensin resquiebres, pa que too quede atao y bien atao.
Una vez elixíos, el presidente del gobiernu o cualquiera de los presidentes autonómicos, diputaos o senadores, conseyeros autonómicos, alcaldes y conceyales enxamás van consultar a los sos militantes sobre les decisiones que van tomar y muncho menos a los ciudadanos que los votaron. Solo una pequeña élite va decidir a espaldes de los ciudadanos ya mesmamente de los sos militantes, por nun falar de la llei D’Hont, de les circunscripciones electorales y d’otres munches disposiciones que tuercen y tracamundien los intereses de los ciudadanos.
Col so votu, por exemplu, España entró y mantiénse na OTAN, intervién activamente ya hasta militarmente, en munchos países violando la so soberanía, mantién rellaciones cordiales y sofita a rexímenes criminales y dictatoriales d’una llarga serie de países, too ello, tanto con gobiernos del PSOE como del PP.
En cuanto a la política interior, el gobiernu central y los autonómicos y los sos partíos actuen contra y enfrente de los ciudadanos con una praxis política que criminaliza a los movimientos llaborales y ciudadanos. No económico, espoxiguen les desigualdaes sociales y la precariedá llaboral. Nun cuerre meyor suerte la política relativa a la educación, sanidá, privatizaciones, el mediuambiente y en definitiva tolo rellacionao con una planificación social sostenible a mediu y llargu plazu. Les rellaciones cola cúpula más conservadora y golpista de la ilesia afítense cada vez más, el PP sofítales y el PSOE finánciales.
El so votu ye importante, dicen, pa que cola so complicidá llegalicen los atropellos de la política internacional y l’espoxigue de la brecha social y la perda de los drechos y llibertaes de los ciudadanos. Por esta razón y por otres munches, vote, vote y llegalice la situación.
La llei de financiación de los partíos sirve pa que sólo los que puedan financialos tengan el partíu que los represente, pero sólo a los sos intereses. D’esti mou sálvase y caltiénse la unidá: el poder económicu, la financiación y los resultaos van de la mano garantizando que siempre queden bien representaos nel partíu que financien. Pa eso paguen.
Si usté tien agora menos de 48 años nun tenía drechu a votar, yera menor d’edá, cuando se restauró la monarquía pero, nun importa, ye monárquicu por definición y si tien más de 48 lo mesmo. Consideren qu’usté nun ta capacitáu pa tener opinión sobre estos temes, nin tampoco pa entender les lleis de la xenética y menos les de la predestinación, que son les que ponen o non reis y reinos. Y, sobre too, cuando la monarquía y el monarca ye impuestu por un dictador y aplaudíu pola oligarquía que sofitó a ambos.
Pero, si esto ye un Estáu de Drechu, cierto, sólo que pa unos yelo más que pa otros y pa otros munchos nada. Les sos lleis ampárennos a toos, pero como les lleis tan feches a midía, sólo a la midía de dalgunos, a unos protéxenlos del too y a otros encarcélenlos por nada. Hasta unos tienen inmunidá que ye lo mesmo que dicir que son impunes. Pero falando de lleis, d'inmunes e impunes, nun más difícil tovía, el rei ta perriba de cualquier llei ensin importar los que faga o pueda facer. El rei ta al marxe de la llei, lliteralmente ta fuera de la llei: ye'l rei.
El círculu de tol entramáu zárrase col control de lo que vienen llamando los tres poderes: executivu (gobiernu), lexislativu (parlamentu) y el xudicial (tribunales) como si hubiere dalguna independencia cuando los tres poderes furrulen como nun sistema de vasos comunicantes y cuando, amás, los tres poderes tan en manes del partíu de turnu que gobierna y esti del que lu financia. Dalgunos llamen a esti modelu de democracia partitocracia, como si los partíos pintaren dalgo y nun fueren namás instrumentos del poder económicu que ye’l que de verdá gobierna. Pero que’l xuegu de los partíos nun pase de ser una ficción nun quita pa que los sos dirixentes y munchos de los sos militantes se fagan d’oru y acaben metíos nel poder económicu como se ta viendo tolos díes.
Pero tovía fai falta más. El círculu séllase cola llibertá d’espresión. Si usté tien unos cuantos millones d’euros, usté va tener llibertá d’espresión, pero, entós nun pa dicir lo que quiera (qué valta-y fai con tantes perres) sinón pa dicir lo que-y convenga o lo que convenga a los sos intereses, que vien a ser lo mesmo. Si non tien esos millones tamién va poder, rara vez, de vez en cuando, dicir dalgo pero poco y curtió y, munchu güeyu, ensin pasase. Asina salvase la pluralidá informativa pa que naide pueda dicir que nun hai llibertá d’espresión.
En resume: vote y vote a cualquiera, qué mas da, vote hasta en blancu, pero vote. Lo que cuenta ye la participación y la suma de complicidaes, collabore entós, cuantos más cómplices meyor, too va ser más democrático y la conciencia de los políticos (si ye que la tienen) va quedar a salvu col so votu.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Queríu amigu.
Hay munches coses en el artículu nel que nun sólo metes el deu na llaga, sino que metes múltiples deos en les munches llagues que tien esti sistema democráticu imperfectu, tremendamente imperfectu, pero, sin duda, uno de los meyores que existen nel mundu, y, por imperfectu, con munchísimu marxen pa la meyora.
Ahora bien, en otros equivóqueste, sin duda de buena fe. En primer lugar, nun ye exacto, ni mucho menos, que los militantes de los partidos nun tengamos voz nin votu nela elección de nuestros candidatos. Por munches listes zarrayes ya blocaes que haya, en mi partido, el PSOE, cada cuatro años se celebran Congresos Federales, rexonales, provinciales ya municipales onde se debate un programa marco que, con les enmiendes que se aprueben en les discusiones y les votaciones, constituirán les llinies polítiques de actuación de la formación hasta el siguiente Congresu. Además, elígense parte de los miembros de los Comités Federal, Rexonal, y , onde hay más de una provincia, provincial, que se reúnen cada tres meses para refinar cuestiones de detalle de la actuación programática que no puen esperar cuatro años. Y pues tar xuru que en la discusión de les ponencies que guíen el nuesu actuar, se examinen con inmensu cuidau hasta les comes.... Nun te contaré cuántes veces estuve hasta la madrugá discutiendo un puntu de política enerxética y sus implicaciones en el empleo, el coste de la vida y el medio ambiente.
Tamién se eligen los órganos ejecutivos: Comisión Executiva Federal, Rexonal, y Municipal, que tienen abondio que dicir en la designación de los candidatos, siempre sancioná por les comisiones de listes, que salen de los Comités, que, recuerdolo porque me toy enrollando y va quedando lejano, votó hasta el último militante.
Y no ye exacto tampoco que los cargos que después nos representan consulten con munches persones cómo actuar, comportase, elegir, en las Instituciones de las que forman parte. Cuánto comentan con su entorno las dudas que, con no poca frecuencia, les afligen.... cómo enfrente de un café, por móvil, o por correo electrónico no comentan en un entorno muy significativo "joder, sergio, o pepe, o laura, que en toda la noche no he podido dormir pensando cuál es la mejor forma de abordar tal problema que se nos está planteando na Xunta y del que tengo que dar un criteriu güei".... Sólo la red social de nuestros representantes amplía de tal modo el espectro de voces que terminan conformando el obrar de nuestros representantes, que enraíza en todos los estratos, dende la parexa del electu hasta esti probín que esti mes en su actividad profesional ha tenido pérdidas (atribuibles a elecciones suyas, mejorables, y no a una situación que abre oportunidades, puedes creerme).
Y prueba de que pues influir en el devenir políticu de la rexón, sin ir más lejos, ye que me consta que nuestros debates los leyen presones que tienen presencia en les instituciones, y a ver quién ye el guapu o la guapa que lee cualquier texto y ye capaz de salir de la so llectura igual que entró, no ya cambiando de opinión de repente y por inspiración ateyavana, sino, cuando menos, reflexionando.
Te aseguro que en munchos países, esti blog estaría zarrau, censurau, boicoteau, o tú taríes visitando la comisaría de tu ciudá. Y aquí, con toes les nuestres carencies, léyente concejales de Oviedo, diputaes rexonales, o cargos de la administración del estado, que al día siguiente me lo comentan.
Pero si empezamos despreciando la enorme fortuna que tenemos de poder elegir el 9 de marzo la papeleta que más nos pete, ¿ no estaremos contribuyendo al statu quo contra el que intentes lluchar ?
Haya salú.
Sergio Gayol | 12-02-2008 - 14:56:42 GMT 1 #
Por cierto, una curiosidad, o, más bien, algo que va mucho más allá de eso: según un estudio científico promovido por una agencia de Naciones Unidas, en los países en los que existen elecciones libres, una vez descontados los efectos de las otras variables, como renta per cápita, etcétera, resulta que la esperanza de vida es varios años mayor que en aquellos donde no las hay. La interpretación de los autores del estudio es que, posiblemente:
1) los ciudadanos de los países con elecciones tienen en su mano elegir las opciones que más convienen a su bienestar, su adecuada alimentación, su sistemas de salud
y/o
2) los representantes políticos de los países donde son elegidos mediante el voto popular reciben un estímulo evidente para preocuparse de los aspectos que toco en el punto 1) que los políticos de los países donde éstos no dependen del voto popular no tienen.
Sólo eso.... ¿ no sería un estímulo poderosísimo para votar ?
Sergio Gayol | 12-02-2008 - 16:24:08 GMT 1 #
Mui bones, Sergio.
Que conste que si nun te contesté enantes ye qu’últimamente nun enganchu tiempu pa date una contestación medianamente decente.
Lo primero ye que’l testu nun ye míu, ye de Miguel Angel Llana, y que si lu cuelgo ye porque me paez un testu guapu, que fai pensar, anque tampoco tea d’alcuerdu en too (de xuru que yo diba ser más radical en dalguna cosuca, y más pichafloxa n’otres).
El nuestru sistema democráticu ye, en teoría, ún de los meyores del mundu, doite la razón, les diverxencies tenémosles a la hora de llevales a la práctica, y esti testu fala un poco d’eso.
Pa min los políticos que tien un país siempre reflexen un poco cómo ye esi país, son como una especie de gestalt individual que resume’l sentir y la forma de pensar d’una parte del ellectoráu. Esto vas velo perbién colos dos candidatos de los dos partíos mayoritarios: son dos maneres estremaes de ver y sentir que puen reflexar dos tipoloxíes distintes. El problema ye cuando entamamos a baxar na escala, y pasamos de lo nacional a lo que nos tocó nesti requexu del mundu. ¿Reflexa’l Presidente Vicente l’Asturies d’anguaño? Pa min non. ¿Reflexa dalgún de los políticos que van nes llistes que cocinaron los partíos l’Asturies d’anguaño? Pamidea que non. Si eches una güeyada, nes llistes tamos igual que fai venti años, y paezme que la cai va por otru llau: esa xente yá nun representa al ellectoráu d’anguaño.
Puedo equivocame, y créeme si te digo que cuasi siempre va ser de bona fe. La llectura que faigo yo dende fuera ye que si los de los militantes de los partíos cocinen eses llistes tan fuera de la realidá, y eso ye dalgo que nun me creo. Si cada cuatro años vos movéis, convocáis xuntances, votáis, y volvéis a elixir a los mesmos, entós tas metíos nun bucle que nun lleva sitiu nengún. ¿Pa que xuntase, votar y aldericar si vos van imponer a Alvarín, a Celesto y a tola cla? (personalizo, porque nel otru llau tan muncho peor, rescatando al home de Sidrón). Yo, que nun soi naide, puedo facete una llista con una montonera de persones, políticos de profesión, que nun mayaron nin van mayar una na vida, y que nun valen pa nada, nun siendo pa rellenar güecos nuna llista.
El casu ye que la estructura de los partíos ta clara, y usen a xente como tu, con bona fe, y déxenlos discutir sobre coses que nun se van facer na vida, porque nun se xuega coles coses de comer/poder, y eso ta nidio. Asina que, a la fin, acabes siendo un númberu más, un cómpliz que sirve pa dicir que nel congresu tal había quórum, o qu’esta llista ta respaldao por nun se cuantu porcentaxe.
Y claro qu’hai xente que se preocupa pol puestu, y trabaya… pero dime si quies miralo (el datu ye públicu) el númberu d’intervenciones que tuvieron los nuestros representantes nes instituciones centraliegues nestos cuatro añinos, y calcula (lo que cobren tamién ye público) a cuanto nos salió cada intervención… como eses son perres que pagamos ente toos, paezme que dalguna cosina vamos poder opinar ¿non?
Paez que yes razonable, pero hai coses que pa veles hai que tar fuera, de verdá. Falando siempre pue convencese dalgún, pero non siempre furrula, yo nun desprecio la posibilidá de poder votar: si voi dir (a ver si asina vivo más tiempu), pero’l mio votu va ser facelo en blanco.
Salú.
PD: Polo visto, tenemos dalgún collaciu común, anque tu tovía nun sepas quien soi. Y toi contigo en que Lorenzo Pueyo yera ún de los meyores profesores de la Universidá, pero yera meyor persona que mayestru.
Ateyavana | 16-02-2008 - 16:09:34 GMT 1 #
El debate creo que quedó perclaru , pa quien lu quiera leyer. Sólo añadir que, seguramente ties razón en que Lorenzo yera meyor persona que mayestru, lo que pasa que yo nun soy a separar les dos coses, porque nun sé de química muncho más que la fórmula de la sal común y me resultan indisociables la persona y el maestro porque, como te digo, cada conversación personal con él era para mí, a la vez, una charla entre amigos y una lección magistral, porque insisto, para mí fue más un maestro de cómo ser en la vida que de disciplinas científicas.
Sergio Gayol | 21-02-2008 - 13:58:46 GMT 1 #
Por cierto: me alegro de que votes, aunque sea en blanco, y así prolongues tu vida... :-) Yo, como también voy votar, a ver si tamién prolongo la mía y podemos seguir dándonos al placer del debate más en llargu de lo que lo faríamos en Tayikistan :-)
Sergio | 21-02-2008 - 14:00:24 GMT 1 #