De vergoña
Delles organizaciones agraries (COAG, UCA y Asaja) punxéronse güei na Escandalera a repartir lleche gratis (más de dos mil llitros, dicen) pa protestar polos baxos precios colos que tienen que vivir los productores.
Fueron cientos los que ficieron cola pa poder garrar un llitru lleche.
A toos esos nun-yos importaba un res que los ganaderos cobren agora’l llitru lleche que producen al mesmu preciu que fai años. Taben toos ellí porque nun teníen nada meyor que facer que ponese nuna cola pa pillar gratis dalgo que val malpenes un euru.
Dalgún dirá qu’hai munchu ociosu, y otros dirán que munchu esgalazáu a namás un par de xintes de la fame.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Pensé lo mesmo que tu al ver les imáxenes pela tv, la Escandalera enllena xente pa consiguir llechi de baldre, ESTO YE ASTURIES (anque paezme qu´esto sería igual en cualesquier llugar del mundu, primeru´l mio bolsiellu siempre). Un saludu
trasgu | 26-03-2008 - 21:42:46 GMT 1 #
Pos hai que deprender d'estes técniques de marketing reivindicativu. ¿Qué vos parez dar phoskitos, castañes pilongues y chapes del Uviéu nes prósimes movilizaciones pro-Oficialidá pel centru la capital?
VeritasEtSeveritas | 26-03-2008 - 22:06:52 GMT 1 #
Home, lo del mio bolsu primero nun ye namás equí: de xuro que diba pasar lo mesmo en cualquier otra parte. Pero da noxu velo al pie casa.
Y lo de dar chapes del Uviéu diba ser la manera más fácil d'acabar coles manis de la oficialidá... si nun les quies dar del Sporting, polo menos que seyan del Marino ¿non? ;-)
Ateyavana | 29-03-2008 - 11:04:34 GMT 1 #