Eolo
Los que manden nesti requexu del mundu paez que tienen la mesma capacidá que cualquier paisanu d’esos que ta nun chigre, espotricando ensin facer nada. Paezme que nun hai nengún llugar del mundu onde dalguién se plantee tirar miles de millones al mar pa poner una regasificadora, una planta de biodiesel, unos aeroxeneradores, unos astilleros… y que, depués de tenelo publicao, vaya quedando too en nada… Da imaxe de poca seriedá, de dir faciendo les coses a lo xo, según te vienen al maxín.
Y sálennos caros abondo como pa que fagan les coses a lo xo.
Agora da-yos a toos polo eólico, que ye onde más subvenciones puen pillar:
Hai opiniones, pero ye un estrozu de paisaxe perimportante, y la riqueza que xenera ye otra vegada pa los cuatro de siempre.
http://www.lne.es/secciones/noticia.jsp?pRef=2008062000_52_648842__Opinion-eolicos-OscosEo
En fin, dicíame un paisanu l’otru día que tamos volviendo p’atrás. Qu’enantes criticaben a Franco pol pan y circu del fútbol y el toreo, y agora tamos igual col fútbol y el putu José Tomás a toes hores.
Camudamos poco. Dalgunos nada.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Ties razón, fíu... Yo cada vez cambio menos.... Debe de ser cosa de la edad, ya sabes, "you can't teach an old dog new tricks"...
Si acaso comento menos en Ateyavana, va a reñime Debalu por tenete abandonau :-)
Salú,
Ser
Sergio | 20-06-2008 - 19:44:36 GMT 1 #