Inxeniería financiero
Una Empresona X (por exemplu un bancu o una cadena de supermercaos) tien una montonera llocales.
Entós creen otra empresa paralela, vamos llamala 2, tando detrás los mesmos con dalgún home de paya, a la que venden nun paquete toos esos llocales. Al preciu qu’ellos digan, porque los otros nun gorguten.
Dempués alquila esos mesmos llocales a la empresa 2, poniendo que los gastos de mantenimientu y seguru cuerren a cargu del propietariu. Al preciu que meyor-yos vaya.
Con esto, aforren unos costes grandes al añu, pasando a pagar namás un alquiler (un coste qu’amás desgrava), y desinvierten: saquen lliquidez a costa de quitase d’enriba activos molestos.
El resultáu ye una empresa saneada, que se pue vender ensin problemes al nun tar amarrada a cargar con delles propiedaes que puen echar p’atrás al comprador.
Y si la empresa 2 se flunde nun pasa nada, porque pagó la pena. Al home de paya yá lu colocaremos en dalgún otru sitiu cuando pase too, amás mientres duró la cosa vivió de p.m. y que-y quiten lo mandao.
Perres en negro a un paraísu fiscal y carretera y manta.
PD: Onde diz Empresona tamién pue dicir Alministración.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
que tien de malo siniestro too eso que expliques ?
por que van a echar pa atras al comprador el fechu de que la empresa tenga propiedaes inmobiliaries ? siempre y cuando nun tean suxetes a hipoteques cosa que nun menciones ...
el puntu a quien y-lo vende d'onde saca les perres pa mercalo ? por que nun gurgutia ,,, que tien que gurgutiar nun lo pago el ?
La desinversion nos inmuebles ye ye una estratexia non solo llegal lexitima .. que tien de malo exactamente ?
por que lo llanmes inxenieria financiera ? que tien ver con eso que la progresia y la derecha mas casposa llama inxenieria financiera ,,,
nun-y acabo de ver sentiu a esti post ...
ayalgueru | 30-11-2008 - 12:42:12 GMT 1 #
¿Onde digo que ye malo-siniestro?
Tienes razón, nun dixi lo de les hipoteques. La empresa 2 hipotécase hasta les ceyes, y la otra queda saneada, quitando les que tenía.
Y si lo puse ye porque conozo'l casu, bien recientín. Nunos meses, venta al cantu y a correr...
Tampoco quería ser un tratáu d'economía. Paezme llícito, pero con cosines d'estes ye como llegamos a tar metíos onde tamos agora.
Ateyavana | 30-11-2008 - 20:45:53 GMT 1 #