Impasse
Hai vegaes que comentar dalgo íntimo a un desconocíu faise tan cuesta riba como L’Angliru.
Esta foi una casa qu’abrió les puertes fai yá tiempu, y na qu’últimamente’l dueñu (por dellos motivos que ye complicao esplicar equí) para poco. Y si nun hai quien abra puertes y ventanes, una casa nun ye namás qu’un edificiu, una montonera cuartos vacíos.
Asina que llastimos d’esta casa, trancando la puerta por una llarga temporada. Polo menos tres meses. Na vida real tamién vamos facelo, pero eso ye parte d’otra historia qu’a lo meyor contaremos nel so momentu.
Cuando tornemos, intentaremos llimpialo un poco, que nun haya tantu polvu sobre les pallabres qu’equí quedaron esperándonos.
Ye un hasta llueu, non un adiós.
Gracies daveres por tar al otru llau.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Una casa onde s'afaya ún como na propia. Ta llueu y que nun nos avague'l tiempu d'echar una nueva rocada.
El xanu\\\\\\\'l caborniu | 06-12-2008 - 19:43:31 GMT 1 #
Vaya hom... Espero que too te vaya bien perhí fuera, y nun t'esmolezas que yá miraremos los vecinderos por dir reteyando'l someráu si fai falta y rozando'l matu'l camín pa que cuando vuelvas alcuentres la casa como la dexasti.
Un saludu.
VeritasEtSeveritas | 06-12-2008 - 20:26:54 GMT 1 #
Echaráste en falta. Espero que lo de la vida real seya llevadero y pa bien.
Un abrazu
Laura | 06-12-2008 - 20:44:48 GMT 1 #
Tres meses, espero, ye lo que voi tardar en char otra parrafada con vosotros.
Na vida real son namás dos meses fuera, y ye pa bien (pa mui bien, podríemos dicir, una oportunidá a la que nun pudi dicir que non). Cuando faes les coses porque t'apetecen daveres presta y cargues piles.
Y eso, que tranco la puerta tres de mio sabiendo que los vecinos van echar un güeyu.
Gracies por tar ehí.
Salú.
Ateyavana | 08-12-2008 - 23:16:48 GMT 1 #
cagon ros!
asi k lleves añu y medi col blog y cuandu lo descubro acabase..
menos mal k ye un tallueu..
pues na,gracies polo publicao y suerte
xavi | 10-12-2008 - 18:11:23 GMT 1 #
Me gustaba tu blog, pero nunca escribí nada.
Espero que vuelvas.
Un saludo.
Lola | 13-12-2008 - 16:56:22 GMT 1 #