Toos podemos ser Txomin
Nuna tierra onde hai coses que güelen permal, ye sintomático qu’acusen a Txomin Goñi y pidan pa él dos años y cinco meses de cárcel por enseñar una camiseta nun plenu con una obviedá: LA TALÁ ILEGAL, dalgo ratificao polos tribunales.
Viendo como tan les coses, nun m’estrañaría nada qu’acusaren tamién al gruísta que pinchó la cúpula del Niemeyer por terrorismu d’estáu o dalgo asemeyao.
Pero cola que ta cayendo, ye más importante saber si va haber pinchos o non.
Dalgún día, cuando dalguién se ponga a escribir la historia d’estos años, van dicinos que cómo consentimos toes estes coses. A ver qué-yos contamos a los nuestros fíos.
En fin, que tornamos.
Esbilla
del.icio.us
Nací col don de la risa y cola intuición de que’l mundu taba llocu.
Y esi foi tol mio patrimoniu.
Una vergoña que bien val de baremu del nivel democráticu nel que vivimos. Equí un videu del tema.
Por cierto, vagónos la espera. Bienllegáu otra vuelta :)
VeritasEtSeveritas | 02-03-2009 - 15:29:46 GMT 1 #
Si, lo del nivel democráticu ye asina: anuncia güei que va acampar y facer güelga de fame nos xuzgaos y a les dos hores desalóxalu la policía por orde direuta de la Delegación del Gobiernu, cuando hai casos bien recientes nos que nun s'actuó asina.
Y gracies, Veritas.
Ateyavana | 02-03-2009 - 16:41:50 GMT 1 #
¡Vaya sorpresa más prestosa!. Espero qu'atopares la casa curiosa y n'orden...
De lo que comentes, paezme imposible facer más risión de la xente. Más baxo yá nun se pue cayer. Dannos nos focicos, ríense de nosotros... Pero nun tán ehí por un golpe d'estáu: hai miles d'asturianos responsables de lo que faen porque los punxeron onde tán.
¡¡Un saludín y feliz regresu a esta casa de toos que ye la bloguesfera!!
El xanu\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ | 02-03-2009 - 19:55:10 GMT 1 #
Echábase en falta esa mantis escucona. Y la ocasion lo merez. Lo d'esti home ye toa una amuesa de lo que ta pasando n'esti país. Fai falta abrir ventanes y que cuerra l'aire.
Jesusito | 03-03-2009 - 01:17:49 GMT 1 #
Gracies a toos, si que lo de Txomin ye ilustrativo del proceder de los elexíos pol pueblu nesti requexu del mundu.
Tamién pue ser dalgo que garre más trescendencia que lo de Cándido y Morala a poco que s'allargue porque anguaño la sensibilidá popular ye distinto.
Salú.
Ateyavana | 03-03-2009 - 07:52:50 GMT 1 #